رواية غزوة حب بقلم اسماء ايهاب

يتوجه خلفها الي المطبخ امسك بالصحن الموجود اعلي طاولة المطبخ و
هو يقول بهدوء 
_ هي فيروز جاية امتي 
نظرت اليه و هي تربت علي كتفه قائلة 
_ الاسبوع دا عند اهلها يا حبيبي كلمتني و قالتلي انها مش جاية غير لما نروح نزورها في بيتها لانها زعلانة اننا مش بنروح هناك
_ انا ببقي مكسوف احط عيني في عين اهل شهاب يا هناء بعد اللي حصل
قالها بتلقائية ل يمتعض وجهها بحزن و هي تهز رأسها بايجاب مجيبة عليه قائلة 
_ عندك حق يا اكرم الله اعلم الناس بتقول اية حتي لو بيستقبلونا حلو بس بردو محدش عارف في قلبهم بيقولوا اية بس بردو لازم نروح ل بنتنا دي حامل و محتاجة اننا نبقي حواليها علي طول

ربت علي كتفها و هو يتوجه للخروج حيث شقيقته قائلا 
_ انا هطلع بقي لاختي عشان متبقاش قاعدة لوحدها
_ ماشي يا حبيبي ربنا يفك كربها و يفك عقدة لسانها و ترجع تتكلم تاني
قالت جملتها متمنية من كل قلبها ان تعود شقيقة زوجها تتحدث من جديد بعد ان فقدت النطق بعد حاډث ۏفاة ابنها علي و لم تعد تتحدث و لا حتي بكلمة ل يأمن هو خلفها و يخرج حيث تجلس شقيقته
تجلس زينة بجوار حسام بشقة والدته التي تحتضن عمر و تقبل به بحب مالت زينة نحو حسام تهمس اليه بابتسامة 
_ شايف طنط كأننا مش موجودين
ضحك و هو يهز رأسه بايجاب ثم يمسك حقيبته يستعد للقيام قائلا 
_ اية يا ماما استاذ عمر اخدك منا و لا اية
_ دا حبيب قلبي دا نور عيني ياريت تسيبوه معايا علي طول
قالتها والدته و هي تنظر الي عمر الذي ينظر ببراءة و لم ترفع عينها عنه ل يضحك حسام بمرح و هو يقول 
_ عشان تنسينا خالص بقي لا يا ستي احنا عايزينك فاكرانا
وقف هو يتقدم منها يقبل رأسها و من ثم يحمل الصغير عنها قائلا بهدوء 
_ استاذ عمر هيطلع يشوف جده و ينزلك تاني صح يا عمر
اصدر