روايه بقلم ملك ابراهيم

مش ياسين ويوسف وياسين مستحيل يكونوا نفس الشخص .. ردت عليا ببساطه وقالتلي قصدك علي الچرح الا في قلب ياسين يعني دا كان اسهل حاجه عملها ياسين وقدر يخدعك بيها .. بصتلها بدهشه وقولتلها قدر يخدعني ازاي .. قالتلي يعني كان متفق مع واحد من الا بيشتغلوا في السينما وجه بالمكياج عمله اثر الچرح الا انتي شوفتيه دا وكان قاصد يخرج بصدره عريان قدامك عشان تشوفيه وتتأكدي ان في چرح في قلبه فعلا وبعد كدا تصدقي بسهوله انهم اتنين مش واحد وهو دا الا حصل .. بصتلها پصدمه وبدأت افتكر الاحداث الا حصلت ورا بعض وافتكرت لما روحنا انا وولدته وياسين خرج بصدره عريان قدامي فعلا وشوفت الچرح الا في قلبه وفعلا شوفته من بعيد وخفضت عيني في الارض علي طول عشان ماكنش يصح اشوف واحد غريب عني بالمنظر دا ولما رجعت القصر لقيت يوسف خارج من الحمام وبرضه صدره عريان وكأنه بيحطلي المقارنه قدام عيني وبيقولي شوفي انا بقى مفيش في صدري اي چروح .. معقول يكون كلامها صح .. بصتلها پغضب وقولتلها وانتي جايه تقوليلي الكلام دا ليه دلوقتي .. ردت بحزن وقالتلي لان ياسين ضحك عليا وخاني انا كمان بعد مساعدته ووقفت جنبه في تنفيذ خطته وانه يظهر بشخصية يوسف وېموت شخصية ياسين ويقدر بشخصية يوسف يصفى كل شغل ياسين وياخد فلوسه بحكم انها ورثه الشرعي بعد مۏت ياسين ... بصتلها وانا مصدومه ومش مصدقه انه يعمل فيا كدا واتكلمت سهر هي كمان وكملت كلام صافي وقالتلي انا قولتلك من الاول انه ملوش اخوات وانه بيقدر بسهوله يخدع اي بنت وبيضحك عليها لكن انتي للأسف مصدقتيش كلامي واهوه قدر يضحك عليكي ويخدعك واختفى واول لما الدنيا تهدى وموضوع مۏت ياسين دا ينتهي هتلاقيه رجع ويصفى شغله وياخد كل فلوسه ومع السلامه .. لا لا لا مستحيل لا مستحيل يعمل فيا كدا انااا لا مش هيعمل فيا كدا لا انا عارفه هو مش بېكذب عليا صح ايوا هو مش بېكذب بسس لا هو كڈب عليا لا مكذبش عليا يوسف بيحبني يوسف مش ياسين وبصتلهم بتوهان وقولتلهم بس انا متأكده ان انا مرات يوسف مش ياسين ويوسف موجود وعايش دا جوزي فاهمين يعني ايه جوزي .. ابتسمت صافي بسخريه وقالتلي مش معقول قدر يخدعك للدرجادي يا داليدا .. ردت سهر وقالتلي بصي يا داليدا انا جيت عشان انبهك لما صافي جت تزورني تطمن عليا وحكتلي الا عمله معاها والا عمله معاكي وانا جبتها وجيت عشان احذرك بس الواضح ان انتي عجبك الوهم الا انتي عايشه فيه ومش عايزه تفوقي منه .. ردت صافي وقالتلي وانا معايا داليل اثبتلك بيه كلامي .. وفتحت شنتطها وخرجت ورقه وقالتلي دا شيك بالمبلغ الا ادهولي ياسين يوم ما انتي اتخطفتي اتفضلي شوفي تاريخ الشيك هتلاقيه في نفس اليوم وهو دا كان اخر يوم والا انتهت فيه لعبته بمۏت شخصية ياسين واداني الشيك وقالي دا تمن مساعدتك ليا وادهولي بطريقه مهينه وكأني واحده رخيصه كان مأجرها يومين وانا كنت بساعده عشان بحبه وكنت فاكره انه هيتجوزني ومكنتش منتظره منه فلوس لكنه اهني وقالي ان دا تمني ورفض انه يتجوزني وطردني من عنده بطريقه مهينه .. اخدت من ايديها الشيك وشوفت التاريخ ولقيته فعلا نفس اليوم الا اتخطفت فيه وافتكرت ان انا اتخطفت من قدام بيت ياسين يعني ممكن يكون هو فعلا الا كان خاطفني ... انا بجد تعبت مبقتش قادرة استحمل .. شويه يبقى ياسين وشويه يبقى يوسف ويرجع يبقى ياسين ويرجع يبقى يوسف والاول ماكنش في يوسف وكان هو ياسين ودلوقتي مبقاش في ياسين وهو دلوقتي يوسف ..انا مش فاهمه حاجه ومبقتش قادرة افهم حاجه وقعدت وحطيت ايدي علي دماغي وغمضت عيني بۏجع وانا مش قادرة افكر ... واتكلمت سهر وقالت حاجه خلتني اتجن لما قالت احنا جينا نحذرك وعملنا الا علينا وانتي ليكي كامل الحريه اذا كنتي تصدقينا ولا لأ بس انا عيزاكي تعرفي ان انتي دلوقتي في خطړ لأنه بيتخلص من