روايه بقلم نهال

نفذت وعدي ليك .. الدور عليك ياول الخياط ..
فهم حمزة مغزي كلماته وعلي الفور اردف قائلا
وولد الخياط ماعيرجعش ف كلامه واصل .. ولا انت لساتك هتعرفه 
_ده عشمي بردك ياحمزه بيه .
انتهت مكالمتهم التليفونيه التى احتلها علامات الاستفهام عاود حمزه العزف مجددا ودقت طبول بيبان قلبه .. واخيرا .. حان الوقت الذي يأسر فيه قطته داخل عرينه .. اميرته داخل مملكته .. عشيقته داخل زنزانة قلبه .. اليوم نال ما صبر له
5_صباح جديد
تحرك جفونها بتردد يبدو كأنها رافضه هراء وفوضي العالم من حولها مسحت وجهها بكفيها الاثنين ثم نهضت بتكاسل شديد اول شيء فعلته فتحت شاشه هاتفه تبحث عن رساله من شخص بعينه طارق .. اصابها الضجر والضيق عندما وجدته لم يرسل لها رساله نصيه كعادته منذ امس .
قطعت شرودها دخول انعام حامله فوق كفيها صينية مستديره بها فطار
لازمن تاكلي ياعروسه .. ولا عاوزه الهام تاكل وشنا وتقول بنتكم ناشفة ماعتكلش !! 
ضحكت ساخره وهى تشد اجزاء جسمها بتكاسل
واي الثقه اللي حضرتك بتتكلمي بيها دي
انعام بثقة وهي تضع الطعام فوق سطح المكتب 
عشان متاكده انك هتوافقي بنت سامي وفريال ماعتسبش حقها لحد واصل 
اخذتها كلمات انعام لبعيد شارده ثم اردفت قائله بيأس
بنت سامي وفريال الدنيا جات عليها بزياده اووي !!
انعام بحماس وهي تزيح الغطاء من فوقها
يلا قومي اكده .. وكلي وانبسطي .. وفكري زين بعقلك .. وبلاش حديت ممنهوش فايدة .
استدارا اثنتيهما نحو الباب لدخول نجوي الغير متوقع مجئها لانها لا تطأ اقدامها تلك الغرفه الا حامله معها بوادر كارثه جديده
وعد جهزي نفسك بكره عريسك جاي يشوفك .. اديني قولتلك اها
نظرت لها بعيون متسعه توحي بمحاوله استعابها لما اردفت ثم قالت بضحك ساخر
انتو جايبين الثقه دي منين ياجماعه .. مش هتجوز حد انا واللي مش عاجبه يتجوز هو .. الله !! اي الجنان دا !!
نجوي بنبره تحذيريه اعقلي وبلاش شغل عيال ... بموافقتك او بغيرها الجوازه دي هتم .. فاهمه ياوعد .
القت قذيفه كلماتها قبل ان تنصرف رمقتها وعد بعدم استيعاب
انتو متاكدين انكم طبيعيين .. اي بيت المجانين اللي وقعت فيه انا دا .. الله يرحمك ياجدو .. كانوا عشان يصبحوا عليا لازم يستأذنوك الاول .. دلوقتي بيبيعوا ويشتروا فيا كأنى جاريه عندهم 
ربتت أنعام على كتفها بشفقه 
كلي وفكري زين فى كلامي .. ربنا يهديكي يابتي .
وعد بتلقائيه ركضت صوب هاتفها وعاودت الاتصال بطارق مرارا وتكرارا دون فائده
اوووف حتي انت كمان .. طيب ياطارق صبرك عليا 
قالت جملتها بنبره توعديه ووهي تلقي بهاتفها نحو الاريكه التي بجوارها وتصفف شعرها باناملها بغل كأنها ترد ان تبعثر شتات افكارها التى تقرضها من الداخل .
طلعلى منين موضوع العريس دا كمان بس ياربي !! 
فى قصر الخياط 
استيقظ حمزه من نومه بنشاط