قصيره القامه طويله اللسان بقلم شيماء صبحي

ودايما بتحولها فلوس من حسابها الخاص ويعتبر هيا اللي بتصرف عليهم. 
ازاي بعد الي كانت امه بتعمله معاهم هما عاوزين يأذوها باللشكل دا.. 
كان بيحاول انه يكدب الي سمعه ولاكنهم لما اتكلموا عن ازاي هيقعوه ان ساندي تشتغل معاه وحطو خطه حقيره علشان يخلوه يوافق .. اتعصب جدا من تفكيرهم فيه وفي باقي عيلته.. 
كان هيروح يواجههم ويطردهم ولاكنه رجع تاني في كلامه وقرر انه يلاعبهم بنفس طريقتهم ويحاول يعرف نية عزيز وابوه الحقيقيه ويوقعهم في شړ اعماله.. 
فاق علي لمسة ايد نسائيه بص علي ايد الشخص پصدمه وقال اييه.. 
صافي باستغراب مالك يا حبيبي واقف عندك كدا ليه وليه مش في جناحكم .. 
هادي بصلها وقال بابتسامه متقلقيش يا حبيبتي انا كويس بس كنت باخد نفسي هنا بس مش اكتر وكنت راجع تاني 
صافي ضحكت علي كلامه لانها فهمت هوا يقصد ايه وقالت طيب يلا روح لمراتك يا حبيبي مينفعش تسيبها كل الوقت دا وهيا لوحدها وانا هدخل لشاهي وساندي اطمن عليهم .. 
هادي بصلها پصدمة وقال برفض لا متدخليش 
صافي رفعت حاجبها بإستغراب وقالت .. ليه يا حبيبي مش عايزني ادخل.. 
هادي مسك ايديها وقال بهدوء اصلهم نايمين انا كنت عندهم وهما حاليا نايمين.. 
صافي هزت رايها وقالت بهدوء.. خلاص انا هنزل انا وابق اطمن عليهم لما يصحوا براحتهم.. 
هادي هز راسه بتفهم .. وصافي نزلت علي طول .. ووهوا فضل واقف يبص عليها لحد ما اتاكد انها نزلت بعدها راح لجناحه ولقي ان قمر نايمه .. 

مش انا قولت مفيش اي نوم غير لا وكمان بق حاضنه المخده مش عارفه اني بغير ولا ايه. 
قمر ابتسمت ووقفت وهيا بتبصله باستغراب وبتقول اي دا هو انت زعلان بجد.. 
هادي هز راسه بحزن وقال طبعا زعلت . 
قمر ابتسمت وقالت وانت وحشتني اكتر والله.. 
هادي شالها وحطها علي السرير وهوا بيبص علي ملامحها الي تقريبا نسته كل حاجه حصلت ومكنش بيفكر في حاجه غير انها معاه وطول مهيا جانبه بيبق حاسس انه ملك الكون... حاسس بآمان غريب وجودها طلع مهم اوي بالنسباله.. 
قمر كانت مكسوفه من نظراته الي طالت اوي عليها وهوا انتبه ليها وقرب منها وقال انا نفسي اوي اخلف منك بنت وولد يكونوا شبهنا كدا الواد يكون هادي بس مش هادي والبنت تكون قمر وهيا قمرين..! 
قمر ابتسمت وهزت راسها بالموافقه وهوا سحبها عليه برومانسيه وقال يبق توكلنا علي الله يا قلبي
...............
في الشركة انتهي اليوم وخرج محمد من مكتبه وهوا بيحرك راسه بتعب ولاكنه ابتسم لما لقي اتصال جاي من سهر.. 
فتح المكالمه بفرحه واول لما سمع صوتها غمض عينيه وقال روح قلبي اللي وحشتني اوي .. 
سهر كانت ماسكه التيلفون ومتفاجئه بكلامه ولاكنها كانت مبسوطه لان قلبها كان بيدق جامد.. 
محمد كان مستني يسمع ردها ولاكنها كانت ساكته.. 
محمد بهمس لو سمحتي يا انسه انا عايز خطيبتي هيا كانت ماسكه التيلفون من شويه ممكن تدوري عليها اصلي نفسي اسمع صوتها اوي.. 
سهر خجلت جدا ولاكنها ردت وقالت انا موجوده علي فكره مفيش حد ماسك التيلفون غيري... 
محمد ابتسم وقال الله اخيرا سمعت صوتك وحشتيني اوي يا سهوره! 
سهر ضحكت علي الاسم الي بيدلعها بيه وقالت كان نفسي أقولك انت كمان وحشتيني بس مينفعشي.. 
محمد ابتسم لانها قالت الكلمه ولاكن من غير توضيح فابتسم وقال عامله ايه وخلصتي شغل ولا لسا.. 
سهر هزت راسها وقالت انا الحمدلله كويسه وايوا انا خلصت شغلي وفي طريقي للبيت.. 
محمد هز راسه وقال طيب كويس يدوبك اجي اوصلك.. 
سهر ضحكت علي كلامه وقالت معلش بس توصلني فين دا البيت قدام المحل.
محمد ضحك وقال مدا احلي حاجه يدوبك نتمشي خطوتين مش ممكن اقولك فيهم كلمة حلوه حتي او اسمعها منك .. 
سهر خجلت من كلامه وبصت حواليها بتشوف لو في حد شايفها وهيا بتكلمه .. 
محمد اتكلم وقال بهمس.. سكتي لي يا سهر .. لا انا عايز اسمع صوتك .. 
سهر ابتسمت وقالت.. هواحنا ا لازم نتقابل علشان نقول كلام حلو يعني مينفعشي أقوله علي التليفون مثلا !!
محمد قال هو ينفع بس انا لما اقابلك واقولك في وشك الكلام الحلو دا بيبق ليه متعه تانيه احسن مېت مرت لما اقوله من علي التلفون .. 
سهر هزت راسها بإقتناع وقالت خلاص ماشي اللي انت عايزه بس اهم حاجه انت كويس.. 
محمد هز راسه وقال من خمس دقايق لأ بس دلوقت انا كويس اوي الحمد لله!! 
سهر ضحكت وقالت ويا تري ايه الي تاعب حبيبي بالشكل دا .
محمد بص للتلفون پصدمه ورجع قال اي دا هيا سهر هيا الي كانت بتكلمني حالا وقالت خبيبي!. 
سهر اطلقت ضحكه جميله وقالت أيوا انا وفيها ايه لما أقولك حبيبي منت فعلا حبيبي وكلها يومين بس وهكون مراتك.. 
محمد هز راسه وقال فعلا انتي صح بس كلها يوم مش يومين.. 
سهر ضحكت وقالت ايوا يوم بس انا عندي ليك سؤال معلش. ارجو الرد عليه سريعا