زوجه ابن الاصول بقلم ملك ابراهيم

عليه وبعدت عنه وهي بتضحك واتكلمت بمرح بهزر معاك يا زين بيه
بصلها زين بغيظ وجرت عليا بسرعه علي الفيلا وهي بتحاول تهرب منه..
وقفت جيلان في شرفة غرفتها وهي هتتجنن وھتموت من الغيظ لما شافت علاقة زين وعليا وحست ان مهمتها في الايقاع ب زين عشان يتجوزها هتكون مهمه صعبه جداا
دخلت عليا الفيلا قبل زين وكان الجد قاعد ومعاه كمال ابنه..هدت عليا خطواتها وقربت
منهم بهدوء
عليا مساءالخير
رد عليها الجد بابتسامه ورد كمال بتهكم وكان باين عليه التوتر والانزعاج..
دخل زين خلفها علي طول واثار الابتسامه علي وجهه..
زين بابتسامه مساء الخير

رد الجد بسعاده وهو بيبص ل زين وعليا ولاحظ السعاده الواضحه جوه عنيهم
الجد اهلا باللي هربوا مننا النهارده..ياترى هربتوا على فين كدا..
رد زين وهو بيبص ل عليا بغيظ مصطنع اصل عبد التواب كلمني النهارد........
مكملش زين كلامه لما سمع صوت ضحك عليا أول ماسمعت أسم عبدالتواب..
بصلها الجد ووالد زين بدهشه وضحك زين علي ضحكها لانه كان فاهم هي بتضحك عليه.. بص الجد ل زين عشان يكمل كلامه بعد ما كتمت عليا صوت ضحكها بايديها.. اتكلم زين مرة تانيه اصل عبد التواب.......
ضحكت عليا تاني وكتمت صوت ضحكها وهي بتبعد عنهم واتكلمت من بين ضحكها بصعوبه انا هطلع انا عن اذنكم
طلعت بسرعه علي غرفتهم وهي بتضحك..ضحك زين وضحك جده علي ضحكهم وقاله هي ايه الحكايه..
رد زين بضحك اصل عليا مستغربه عبد التواب شويه وكل متفتكره تضحك
اتكلم الجد وهو بيضحك يعني انتوا كنتوا في البلد
رد زين بتأكيد اه لان عبد التواب كلمني النهارده الصبح وبلغني ان في مشكله وانا روحت حلتها الحمدلله
وقف كمال والد زين فجأه واتكلم بملل انا هطلع اوضتي..تصبحوا علي خير
تركهم وطلع واندهش زين من حالة والده..بصله جده واتكلم وهو بيقف تعالى نكمل كلامنا في المكتب يا زين
اخد زين جده وراحوا علي غرفة المكتب..
رواية زوجة ابن الأصول بقلم ملك إبراهيم
دخلت عليا غرفتها وهي لسه بتضحك وكانت سعيده جدا باليوم الجميل اللي قضته مع زين.. قربت من خزنة الملابس وخرجت لبس للنوم ودخلت علي الحمام تاخد شور..
وقفت جيلان في غرفتها وهي ھتموت من الغيظ وخرجت من غرفتها واتجهت ل غرفة جدتها وخبطت پعنف..فتحت لها جدتها وكلمتها پغضب ايه الطريقه اللي بتخبطي بيها دي..!!
دخلت جيلان الغرفه واتكلمت بعصبيه الاستاذ زين والهانم اللي متجوزها راجعين من بره مزجهم عالي وعمالين يضحكوا ويهزروا وانا ھموت من الغيظ وحضراتكم نايمين ولا في دماغكم
ردت جدتها ببرود هو مش انتي قولتي انك مش هتمشي ورا خطتنا تاني
ردت جيلان بعصبيه بس انتي يا تيته عرفتي اللي اسمها عليا دي وتقدري تساعديني اتخلص منها اسرع
ردت جدتها بغرور وثقه عليا مفاتيحها كلها معايا..المهم انتي تركزي وتنفذي كل كلمه اقولك عليها
ردت جيلان بلهفه انا هعمل اي حاجه بس كل الملاين دي تبقى تحت ايدي
ابتسمت جدتها واتكلمت پحقد برافوا عليكي جيلان..وعيزاكي تعرفي ان الملاين دي كلها من حقنا احنا
لتتابع كلامها بقسۏة وشړ الملاين اللي انا هاخدها منهم دي تمن حيات بنتي اللي اتحرمت منها وماټت في عز شبابها.. بنتي اللي عاشت معاهم اسود ايام حياتها وكانت بتنام كل ليلة ودمعتها علي خدها بسبب خېانة جوزها ليها..
لتتابع كلامها بقسۏة اشد جوزها اللي سافر اول ما ماټت عشان يتفسح ويعيش حياته ولا كأن اللي ماټت دي انسانه والمفروض انه كان يحزن عليها حتى ولو شويه
ردت جيلان بدهشه غريبه يا تيتا..طب وليه تعاقبي زين علي ذنب باباه
ردت جدتها بقوة انا مش بعاقب حد.. زين مهما كان ابن بنتي..بس برضه ابن الراجل اللي كان السبب انها ټموت واتحرم منها ولازم الكل يدفع التمن..
ردت جيلان بفضول والتمن يبقى فلوسهم..!!
ردت جدتها بقوة دي مش فلوسهم دا حقنا احنا..دا حق بنتي
بصت جيلان ل جدتها بزهول وهي مش متخيله كمية الكره والشړ اللي في قلبها اتجاه عيلة الشافعي
غرفته بعد ما انهى حديثه مع جده..دخل الغرفه ولقى عليا ضمھ نفسها ونايمه علي السرير ووضعه ايديها الاتنين تحت خدها زي الاطفال.. ابتسم بهدوء وقرب منها وقبل شعرها بعشق.. بعد عنها وقرب من خزنة الملابس واخد لبس ليه ودخل الحمام.. وخرج بعد وقت وقرب من حبيبته واخدها فيوهو بيفكر في الكلام اللي جده قالهوله واللي لسه لحد دلوقتي مش قادر يصدقه..
في الصباح.. فتحت جانيت عنيها على صوت موبايلها وهو بيعلن عن استلام رساله جديده من كريم.. بصت علي كمال وهو نايم بعمق واخدت تليفونها ودخلت الحمام وفتحت التليفون واستمعت للرساله وكانت بصوت كريم..
صوت كريم
ايه الحكايه يا جانيت هانم..يعني مردتيش عليا..فين المليون جنيه.. النهارده اخر فرصه ليكي ولو الفلوس مجهزتش انا هبعت كل التسجيلات اللي عندي لعيلة جوزك ودا اخر تحذير ليكي.
ضغطت جانيت علي التليفون پغضب وحاولت تتصل علي رقم كريم ولقته اتقفل.. اتصلت علي رقم أخر وانتظرت الرد..لكنه مردش.. حاولت الاتصال تاني وبرضه مردش.. وقفت وهي