رواية ذبول (ليلى و براء) بقلم أميرة محمد
المحتويات
خلصوا المأذون مستني بره
حرام عليكي يبنتي دا مطلق وعنده ولدين وانتي مش معيوبه عشان توافقي علي الجوازه دي
كفاية فضايح ي امي للاسف فات الاوان علي الكلام ده
يلا ي عمي انا طالعه معاك
خرجت ودموعها سبقاها وقلبها مكسور وكرامتها متهانه وافقت علي جوازه ڠصب عنها وانكتب كتابها علي شخص عمرها م فكرت فيه
ليه عملتي كدا يا ليلي ليه يبنتي
بصلتها بإبتسامه مزيفه دا نصيبي وانا راضيه بيه
نزلت مع جوزها بعد م ودعتهم وطول الطريق محدش فيهم حب يقطع الصمت ده
هوة كان بيفكر ازاي هيدخل علي ولاده الصغيرين ويقولهم دي امكم الجديده هل هيتقبلوها
كل واحد فاق من شرودة لما العربيه وقفت هوة نزل وليلي نزلت وراه طلعوا فوق خبط علي شقته وفتحتله أمه
براء ي حبيبي اتأخرت كدا ليه وفين اخوك
ولأن ليلي كانت ورا براء ف مشافتهاش
براء دخل البيت وقال من جوة ادخلي ي ليلي
ليلي دخلت بفستانها الابيض البسيط ووقفت جمبه
الوليه سمعت الكلمتين دول من هنا واغمي عليها من هنا
براء دخل البيت وقال من جوة ادخلي ي ليلي
ليلي دخلت بفستانها الابيض البسيط ووقفت جمبه
أمه اټصدمت وبراء قالها ام براء فاقت وقعدت علي السرير
العيال سابو ليلي وطلعوا يجروا علي ستهم متخافوش ي حبايبي انا كويسه يلا روحوا علي اوضتكم ونامو الوقت أتأخر
اول م طلعوا قامت من مكانها وضړبت ليلي بالقلم علي وشها
براء وقف قدام ليلي وقال پغضب اي اللي انتي عملتيه دا ي ماما
تجاهلت ابنها وقالت معرفتيش تخلي ماجد يتجوزك ف لفيتي علي اخوة م انتي عانس بقي ومصدقتي لقيتي حد يرضي بيكي
براء مسك ايد ليلي خلاص ي ماما ليلي بقت مراتي ولو مش عاجبك الوضع ده انا هاخدها هيه وولادي ونعيش ف مكان تاني
عايزة اي يا ماما مش عملتي اللي ف دماغك
اسكت ي خايب ياللي مش نافع ف حاجه اهي البت لفت علي اخوك واتجوزته
انتي بتقولي اي
البت دي لازم تختفي من حياتنا كله بسببك ي وش المصاېب
بضيق يا امي انا بحبها
حبك برص ي اخي من هنا ورايح مفيش غير كلامي اللي هيتسمع
انت مش قولت أن البت دي مش .....
أيوة وهيه اللي قالتلي بنفسها
بخبث حلو .....!!!!
بقلمي أميرة محمد محمود
براء قفل الباب من جوة وليلي اترعشت وقعدت علي اقرب كرسي قابلها
نام علي السرير وطفي النور وكأنها مش موجوده ليلي رفعت رجليها علي الكرسي وضمتها وحط رأسها ف النص وسابت مساحه لدموعها انها تنزل لحد م نامت مكانها علي الكرسي
الصبح طلع براء قام من مكانه غسل وشه وجه قعد قصادها حست بحركته فقامت بسرعه وقفت
ادخلي غيري لبسك وتعالي عشان نتكلم
ف أقل من ثانيه كانت واخده لبسها وف الحمام خلصت وطلعت قعدت مكانها علي الكرسي بكل شجاعه مزيفه
بصلها واتكلم قبل م نتجوز كنا مدرسين زمايل ف مدرسه واحده كنتي زميله محترمه مخلصه ف عملها لاكن دلوقتي الوضع اختلف وبقيتي مراتي عايزك تعرفي حاجه واحده بس فريده وادم ولادي معنديش اغلي منهم أتمني أنك تعتبريهم ولادك وكل واجباتي هقوم بيها ومش هقصر ف اي شيء من ناحيتك أما امي فخليكي بعيد عنها ومهما تقول مترديش عليها وانا هجبلك حقك لحد عندك ماشي
بإبتسامه متوترة ماشي
لسه هيقوم ادم وفريده دخلو عليه حضنوة
فريده الكبيرة قالت بابا هيه مين دي
دي ليلي مامتك الجديده
البنت اتعصبت وبعدت عن براء لا ي بابا انا مش عايزها انا عايزة مامي
پغضب فريده عيب كدا !!!
ليلي راحت قعدت علي ركبتها قدامها انا عمري م هاخد مكان مامتك بس صدقيني هحبك كتير اوي ممكن نبقي صحاب
ليلي كانت مدالها أيده بصت عليها وقالت لا مش ممكن وطلعت تجري برا الاوضه
ادم الصغير راح عند ليلي بطفوله مينفعش تكوني صحبتي انا
ليلي ضحكت يخراثي هوة انا اطول
طبعا موافقه
طيب طالما بقيتي صحبتي تعالي اعمليلي بيض عيون
ليلي مقدرتش تكتم ضحكتها وقعدت علي الارض اتربعت وفضلت تضحك ونسيت وجود براء خالص
بزعل طفولي خلاص مش عايز
ضحكت خلاص والله بس انت عسل اوي
يلا قوم معايا
خدت ادم وراحت المطبخ وبراء ابتسم عليهم فاق لنفسه وقام يلبس وهوة بيفكر ف رد فعل فريده
بقلمي أميرة محمد محمود
مينفعش اللي بتعمليه دا ي مرات اخويا
بعياط دي بنتي الوحيده ي شريف انا ازاي جالي قلب أفرط فيها بالشكل ده
راح قعد جمبها وطبطب عليها من يوم م اخويا ماټ وانا بعتبر ليلي بنتي صحيح انتي اكبر مني بس ربنا يعلم معزتك ف قلبي ي ام ليلي عشان كده بقولك انسي اللي فات واللي حصل لازم نتقبل الموضوع عشان خاطر ليلي
عيطت ي حبيبتي يبنتي مشوفتيش يوم حلو ف حياتك الدنيا جايه عليكي بذيادة بس ربنا كبير ومش هيضيع حقك ي قلب امك
ابتسم انتي ست مؤمنه ي ام ليلي قومي اغسلي وشك عشان نروح لبنتك النهارده صباحيتها
جات سلمي مرات شريف وضمتها أن شاء الله كل حاجه هتتصلح يلا البسي واجهزي وانا هروح البس منتصر ونروح كلنا مع بعض
بصتلهم بإمتنان ربنا يخليكم ليا مش عارفه من غيركم كنت هروح فين انا تقلت عليكم اوي .
اي اللي بتقوليه دا يا ام ليلي والله ازعل منك انا وشريف اشتكينالك من حاجه
شريف قال سبيها ي سلمي هيه عارفه قد اي بزعل من كلامها ده ناسيه انها اختي الكبيرة من قبل حتي م تكون مرات اخويا الله يرحمه
عيونها دمعت حقك عليا ي شريف يلا يخويا هقوم اجهز عشان اشوف بنتي
قامت تلبس وشريف بص لسلمي بحزن علي حال ليلي وامها
بقلمي أميرة محمد محمود
ليلي دخلت المطبخ مع ادم وواقفه تعمله البيض اللي طلبه وهوة قاعد يسقف ويضحك معها
فوزيه راحت عند
فريده بنت ابنها ولقتها بټعيط قامت حكتلها اللي حصل الصبح مشيت لحد المطبخ بغلها ومسكت الزيت السخن ودلقته علي ايد ليلي ليلي صړخت بكل صوتها
اااااااااه
براء خرج بسرعه من الأوضه علي صوت ليلي دخل عندها المطبخ
لاقاها ماسكه ايديها وبتصرخ
بلهفه مالك ي ليلي اي عمل فيكي كدا
ليلي كانت بټعيط ومقدرتش ترد عليه
طيب تعالي
خدها وډخلها أوضتها وحط جمبها علبة الإسعافات وخرج
ليلي رمت علبة الإسعافات ع الأرض ونامت علي السرير وهيه ماسكه ايديها وبتعيط
براء خرج لوالدته كان لسه هيتكلم معاها بس قالت
بخبث مالها مراتك ي حبيبي أي اللي حصلها
بشك مش عارف ي امي انا كنت جاي أسألك
لوت بوقها وتسألني انا ليه متسأل مراتك
براء سابها ودخل عند ليلي لقاها نايمه مكانها ومعالجتش ايديها راح عندها ولسه هيمسك ايديها
لو سمحت ابعد عني
طيب سيبني اعقملك چرحك
دمعه نزلت منها ملوش لزوم چرحي عمرة م هيطيب
لو حابه انا ممكن اخدك انتي والولاد ونعيش ف بيت تاني
انا بالنسبه لعيلتك دخيله الله اعلم هفضل هنا قد اي عشان كده مش عايزة ابعدك عنهم
قبل م يرد عليها الجرس رن طلع يفتح وكانو أهلها
ابتسم اتفضلو
دخلو قعدو بعد م سلم عليهم بس ام ليلي عماله تتلفت هنا وهنا علي بنتها براء لاحظ ده
هقوم انادي علي ليلي
قالت بلهفه هيه فين وانا هدخلها
حاضر اتفضلي معايا
خدها ودخلت عند ليلي وقفل عليهم الباب وخرج
بقلمي أميرة محمد محمود
فوزيه قاعدة ف اوضة ادم وفريده ادم بيبصلها پغضب ف هيه فهمت اللي بيدور ف دماغه قربت منه وطبطبت علي ضهرة بخبث
مالك ي ادم ي حبيبي متضايق ليه
پغضب طفولي عشان انتي لسعتي ايد ليلي
بخبث مكنتش اقصد ي حبيبي
الولد بعد عنها واتكلم بعصعبيه لا انا هقول لبابي عليكي ي تيته
زعقت فيه اسمع يلا أن نطقت بحرف واحد ل ابوك هضربك
ادم خاف منها وقعد علي السرير يعيط فريده دخلت قعدت جمبه ومستغربه عياطه
ادم ماله ي نيته
البيه اخوكي زعلان علي ست ليلي
عارف ي ادم ليلي دي عايز تاخد مكان ماما عشان كده بابا جابها هنا
بعياط لا انا بحبها ومش بحب ماما لانها مش بتيجي تشوفنا
اي اللي بتقوله ده ماما بتحبنا بس بابا مش بيرضي تخليها تشوفنا
بزعيق لاااا انتي كدابه واطلعي برااا
بس ي ولاد بتتخانقو ليه
انتي مش شايفه يتيتا بيقول اي
بخبث معلش ي فريده دا لسه طفل صغير انما انتي كبيرة وعاقله وعارفه هوة بيعمل كده ليه
بكرة انا بكرها اوي ي تيتا ومش هقبل انها تعيش معنا
براڤو عليكي
فريده سكتت وفوزيه ابتسمت بخبث عشان قدرت توقع بينهم
بقلمي أميرة محمد محمود
ليلي قامت حضنتها ماما وحشتيني اوي
بعياط وانتي كمان ي قلب امك عامله ايه جوزك لمسك
قعدت علي السرير لا ي ماما انتي عارفه جوازنا جه ازاي دا غير أنه لسه ميعرفش انا مخبيه عنه أي
امها لسه هترد عليها شافت الحړق اللي ف ايديها ي مصېبتي مين اللي عمل فيكي كدا
مفيش ي ماما انا دخلت اعمل اكل ل ادم ابن براء وحړقت أيدي ڠصب عني
وانتي مالك انتي تعمليله اكل بتاع اي
عجبك اللي حصلك ده وانتي لسه عروسه جديده
ي ماما ي حبيبتي الولد طلب مني اعمله اكل وبصراحه بقي انا حبيته اوي
بقولك اي ببنت بطني انا مش مطمنه عليكي ف البيت ده تعالي معايا
بدموع انا تعبت ي ماما والله تعبت حسي بيا بقي انا سني دلوقتي سسبعه وعشرين والناس مش سيباني ف حالي حتي بعد م اتجوزتك ف ارجوكي متضغطيش عليا انتي كمان
امها حضنتها متزعليش مني يبنتي اصلي خاېفه عليكي ومش عايزاكي تتعزبي
متقلقيش ي ماما انا كويسه
لازم تقولي لجوزك قبل م يعرف من اخ وة
ابتسمت بقلق حاضر
فجاءة سمعوا صوت عالي من برا
طلعوا من الأوضه لقوا فوزيه بتزعق بصوت عالي
بشخيط انتو اي اللي جابكم هنا
براء بإحراج . ماما عيب كدا
امشو اطلعوا برااا مش كفايه بنتكم جات خربتلنا حياتنا
ام ليلي انتي بتقولي اي وليه انتي
ماما ارجوكي كفايه كده
يلا ي ام ليلي نمشي من هنا
لا مش هنمشي انا عايزة افهم هيه بتعاملنا كدا لي
فوزيه قربت من براء ورفعت صباعها ف وشه وقالت ي
ام ليلي اتكلمت بعصبيه وصوت عالي هوة في اي انتي محدش قادر عليكي انا ليلي بنتي خط أحمر واللي يقربلها اكله بسناني
مش لما تربيها الاول تبقي تقولي الكلام ده ي مرا يا ناقصه
فضلو يشتموا ف بعض وليلي وبراء وعمها يهدو فيهم مفيش فايده قامت ليلي صړخت بعياط
بسسسس ...كافيه حرام عليكم كفايه امشي ي ماما ومتجيش هنا تاني لو سمحتي
بدموع انتي بتقولي اي ي ليلي
عشان خاطري ي امي حسي بيا بقااا انا بمۏت
طيب
متابعة القراءة
