قصه مشوقه
المحتويات
قالتهولها لكنها شغلت نفسها بالمذاكرة عشان الامتحانات قربت
وجه وقت الامتحانات وبرغم انها كانت في نفس وقت امتحانات علي الا انه كان بيسيب مذاكرته وبيروح يذاكرلها هي عشان تنجح وفعلا نجحت وخلصت اول سنه فثانوي وجابلها سلسله فضه هديه عليها اول حرف من اسمه واسمها ومشبوكين في بعض
و بعد كام يوم اتقابلت مع ساندي وشافت السلسله فرقبتها ههههههه
ساندي بضحك عالسلسله اللي انتي فرحانه بيها دي فضه والله العظيم انتي هبله
مريم مش على اده يا ساندي انتي ناسيه انه طالب حيجيب منين
ساندي مقلناش حاجه يا ستي على اده على اده لكن يروح بقى للي تناسبه وتكون هي كمان على اده مش يجيب سلسله للي المفروض تتاقل بالمال
مريم تاني يا ساندي كلامك ده
تسيبها مريم و تروح عالبيت لكنها تسمع صوت صړيخ وبكاء عالي تطلع تجري تلاقي باب شقتهم مفتوح وناس كتير متجمعه من ضمهنم علي وأمه ووالده وبعض الجيران والاهل تجري على امها اللي پتبكي بقهره والكل بيهدي فيها يا خړاب بيتك يا زينب ابوكي ماټ يا مريم ابوكي راح وسابنا يا مريم
وبعد مرور فتره ترجع الحياه لطبيعتها وترجع مريم لدروسها استعدادا للسنه الجديده وتمنعها امها من انها تلبس اسود وانها صغيره عالحزن ده وتصرف امها المعاش اللي يادوب حيساعدهم عالمعيشه تحاول ترتب امورها هي ومريم بيه خدي يا مريم
زينب فلوس الدروس بتاعتك ياحبيبتي
مريم ومصروفي يا ماما
زينب معلش يا مريم الفلوس مش حتقضي و الله علينا مياه ونور وغاز متأخرين انتي عارفه ابوكي الله يرحمه كان بيصرف اللي بيجيله ومكنش عامل حساب لبكرة واحنا دلوقتي مفيش في ايدنا غير شوية الملاليم دي ولازم نمشي بيها حالنا عشان منتفضحش بين الناس
زينب ابقي خدي أكل معاكي من البيت يا مريم اعمليلك ساندويتشين وحطيهم قي شنطتم ولا انتي عاوزانا نمد ايدنا للناس
مربم خلاص خلاص يا ماما مش عاوزة حاجه
تاخدها امها فحضنها حقك علية يا حبيبتي انا ان شاء الله حنزل أدور على شغل و اجيبلك كل اللي انتي عاوزاه واللي نفسك فيه
زينب اي شغلانه والسلام يا مريم مادامت شغلانه شريفه يبقى لا عيب ولا حرام
مريم شغلانه شريفه ازاي يعني يا ماما ايه حتمسحي سلالم و اللا حتخدمي في البيوت لاء يا ماما انا خلاص مش عاوزة
حاجه لكن الله يخليكي متقليش مننا بين الناس انا خلاص مش عاوزة حاجه و لا حروح الدروس كمان
زينب لاء يا مريم الله يخليكي يا حبيبتي الا تعليمك يا مريم انا مستعده أعمل اي حاجه في الدنيا و استحمل اي حاجه الا انك مستواكي يقل او تقصري في دراستك ده املي في الدنيا انك تتعلمي واشوفك احسن واحده يا حبيبتي لازم تروحي دروسك و تنجحي يامريم و تفرحيني
مريم حاضر يا ماما حاضر
بعد مرور عدة أيام والبنات خارجين من السنتر
مريم ياااه انا تعبت اوي نفسي اروح انام
ساندي ناكل الأول و بعدين نروح
مريم ناكل ناكل ايه انا مش جعانه
ساندي مش جعانه ازاي يعني ده احنا واخدين درسين ورا بعض
مريم ماما كانت عملالي سندوتشات و اكلتها
ساندي ساندويتشات ايه وبتاع ايه بس ده في محل سوري فتح جديد ومش قادرة اقولك على طعامة اكله احنا حنروح ناكل وبعد كده نروح
تفتح مريم شنطتها تلاقي معهاش غير فلوس اليوم اللي بعده لكن ادام إلحاح ساندي عليها توافقها و تصرف كل الفلوس اللي معاها عالأكل و تخاف تقول لمامتها وتقرر تروح تاني يوم السنتر وتدخل وهي متوترة تحاول تدارى في البنات اللي داخلين و تعدي بسرعه لكنها تلاقي اللي بينادي عليها يا انسه
تلتفت مريم ليها
الانسه حبيبتي انتي داخله كده من غير ما تدفعي
مريم ادفع ايوة حاضر معلش اصلي متأخرة وزمان مستر أحمد بدا فنسيت
الانسه مستر أحمد لسه موصلش اصلا
تمد ايدها في شنطتها و تخرج منه تمن الكرسي بس
الانسه بقية الفلوس يا حبيبتي عليكي تمن المذكرات و الحصص الجديده
مريم اصلي نسيتهم معلش حجيبهم بكرة
الانسه مانتي عارفه ان ده مش نظامنا ومفيش حاجه عندنا اسمها كده يا تدفعي يا تتفضلي
مريم مينفعش امشي النهارده المستر حيشرح جرامر
الانسه مليش فيه واتفضلي ياللا
تنزل من عيونها الدموع وهي بتتحايل عليها تدخلها وفجأة يدخل هو بطلته اللي الكل في السنتر بيعمللها حساب
يكلم السكرتيره وعينه على مريم اللي بټعيط ازيك يا مروة
مروة ازيك انت يا وليد ياللا اطلع عشان المستر بتاعك بدا
يمد لها ايده بفلوس ليها
الانسه مروة بس ده كتير يا وليد مش كل مرة كده
وليد مانتي عارفه غلاوتك عندي وانا اللي يكون غالي عندي بديله عنيا
مروة تسلم يا وليد والله حفتقدك لما تنجح وتمشي من هنا
وليد متقلقيش يا مروة حوصلك واجيلك انا مبنساش حبايبي ابدا اه على فكرة اعتبري اختك الصغيره حتدخل المدرسه اللي نفسك تدخلها انا كلمتلك بابا وبيطمنك
مروة بجد ربنا يخليك يارب ويخليلنا الباشا
وليد هو في حاجه الانسه دي بټعيط ليه
مروة ممعهاش تدفع حق المذكرات و لا الحصص
وليد ياربي تقومي تسيبيها ټعيط كده بردو هي العيون الحلوه دي ينفع تبكي كده
مريم نعم انت بتقول ايه
وليد مروة من فضلك سيبيها تطلع و حسابها كله عندي من دلوقتي لحد اخر السنه كمان
مريم ايه ده لا طبعا انا مش عاوزة حاجه من حد متشكرة لحضرتك انا بكرة ان شاء الله حجيبلها الفلوس بس تسيبني اطلع دلوقتي عشان الحصه متروحش علية
مروة حبيبتي يا اما تدفعي يا اما تقبلي ان وليد يدفعلك يا اما تتفضلي ومتعطلينيش عندي شغل
وليد مينفعش كده با انسه احنا زملا من فضلك تقبلي اني ادفعلك ويا ستي ابقي رجعيهملي وقت ما تحبي
مريم شكرا ليك يا وليد
وليد العفو يامريم مش مريم بردو
مريم أيوة بس انت عرفت اسمي منين
وليد بعدين حقولك يا للا اتفضلي خلينا نطلع
تدخل مريم الدرس و بتفكر في وليد اللي دفعلها الفلوس و ازي تردهمله و تلاقي نفسها بتحكي لساندي اللي حصل كله
ساندي لا ده انتي كده وصلتي خلاص وااتفتحتلك طاقة القدر وليد ده مال وسلطه وجمال ياااه يا بختك يا بت يا مريم
مريم بختي بإيه انتي اتهبلتي انا اصلا حرجعله الفلوس اللي دفعهالي انا محدش يصرف علية
ساندي وربنا انتي هبله هو في واحده تتمنى ان وليد النجار يبص بس ناحيتها ده كنز يا ماما ده صحابه الولاد بيصرف عليهم ببذخ امال بقى لما يعجب بواحده شوفي حيعمل معاها ايه متبقيش هبله وليد ده فرصه لو ضيعتيها مش حتلاقيها تاني انا قلتلك اهوه وانتي حرة
تنتهي الدروس وتخرج مريم مع صاحباتها وتسلم عليهم
وتمشي لوحدها تلاقي اللي بيفتح لها
متابعة القراءة
