قصه مشوقه عبير سليم

خلاص يا ماما انا د موعي نشفت و عمرها ما حتنزل تاني
أصوات زغاريد تملاء البيت و سعاده ليس لها مثيل الف مبروك يا حبيبتي الف مبروك يا هدير 
هدير الله يبارك فيكي يا ماما 
امها هدير الواد رجعلك تاني اوعي يا هدير اوعي تزعليه ده انا هاين علية اتحزم و ارقص 
هدير مانتي حترقصي معايا ففرحي يا ماما و اللا إيه 
امها طبعا حرقص يا هدير ده يوم المنى لما اشوفك فالكوشه مع عريسك يا حبيبتي 
فرحة هدير برجوع حسين ليها مكنش لها حدود كانت حسه انها اتولدت من اول وجديد حست ان ربنا بيحبها عشان رجعهولها تاني طول الوقت بتكلمه في التليفون و بتسمعه احلى كلام بتعزمه كل شويه عندهم و تعملله كل اللي هو بيحبه و اخيرا اهلها يسمحوا لهم انهم يخرجوا سوا و كانت بتاخده و يخرجوا مع بعض و مكنتش بتحب تكلفه و هو كان باين عليه الفرحه برجوعهم لبعص و اوقات كتير كان بيبص لها و يسكت و لما كانت تسأله مالك ساكت ليه حساك سرحان يقوللها سرحان فيكي يا هدير اصلك وحشتيني اوي

هدير حقك علية يا حسين حقك علية يا حبيبي انا عارفه اني زعلتك مني اوي و كل اعتذارات الدنيا مش حتكفي لكن انا و الله بحبك و حعمل اي حاحه في الدنيا دي كلها عشان اسعدك مستعده اكون تحت رجليك بس تبقى مبسوط يا حبيبي ان شاء الله حعوضك و حخليك اسعد زوج في الدنيا وحنعيش اسعد حياه مع بعض يا حبيبي 
حسين ان شاء الله
تمر الأيام بسرعه و هدير بقت بتحب حسين اوي حست بحبها ليه و غلاوته عندها و كانت دايما هي اللي تكلمه في التليفون و مامت هدير كانت بتجيبلها كل اللي ناقصها و حسين كان بيخلص كل اللي فاضل في الشقه و خلاص هانت و حيتجوزوا
هاني مبروك يا حسين مبروك يا عريس 
حسين عريس امال لو مكنتش عارف اللي فيها 
هاني يا عالم مش يمكن اول ما تشوفها معاك و بين ايديك تنخ و تدوب فهواها و تنسى كل اللي اتفقنا عليه 
حسين مين ده انت بتقول ايه ده انا مفيش حاجه مصبراني عاللي انا فيه غير اللي حعمله فيها و اللي مستنيها
هاني برافو عليك يا حسين انا عاوزك تطلع منها القديم و الجديد و تخليها ټندم على كل لحظه عيشتهالك في حزن و ألم 
حسين حيحصل يا هاني و اكتر من كده بكتير 
هاني حنشوف 
بعد مرور عدة أيام راحت هدير فرشت شقتها و كانت سعادتها ملهاش حدود و هما بيعلقولها هدومها و بيرصوا لها حاجتها بقت بتفرج حسين على كل حاجه و هي طايره من الفرحه مش مصدقه نفسها انها خلاص حتتجوز و حتفرح زي كل البنات و هو راسم على وشه البسمه و السعاده و جه ليلة الحنا و كانت ليله جميله و امها مبتطلتش زغاريد و بعد ما الكل مشيوا لقته بيتصل بيها حبيبي وحشتني 
حسين انبسطتي الليلادي 
هدير اوي اوي يا حسين انا مش مصدقه نفسي ان خلاص الليلادي اخر ليله لية هنا و اني من بكرة حكون معاك يا حبيبي مبسوط يا حسين 
حسين طبعا مبسوط ده انتي متعرفيش انا منتظر بكرة ازاي 
هدير يا حبيبي يا حسين للدرجه دي 
حسين و اكتر مما تتخيلي بكرة حتعرفي بنفسك 
ييجي بكرة و تروح الكوافير و يروح ياخدها و يكتبوا الكتاب في القاعه و يرقصوا و هدير حسه انها مالكه الدنيا بين ايديها و بعد الفرح ما يخلص يوصلوهم البيت و يدخل معاهم الشقه اخواتهم و ياخدوا شوية صور مع بعض و يسيبوهم و يمشوا و يقفل حسين وراهم الباب و يفك البيبيونه و يرميها عالكرسي و يرجعلها يلاقيها واقفه منتظراه مالك واقفه كده ليه 
هدير مستنياك يا حبيبي 
يقعد حسين عالكرسي و يحط رجل على رجل اقعدي 
هدير اقعد فين يا حبيبي 
حسين ادامي عالأرض قلعيني الجذمه
هدير من عينيه يا حبيبي بس اقلع الفستان الأول مش حعرف اقعد بيه 
حسين بقولك اقعدي كلمتي تتنفذ من اول مرة 
هدير مالك يا حسين في ايه 
حسين دلوقتي حتعرفي في ايه يا حلوة 
الفصل الرابع
ارحم حبي
عبير سليم
ما هذا الذي حدث من هذا الذي أمامي اهو حسين الذي كان يعشقني حد الجنون ام هو شخص آخر لا أعرفه و لكن قد يكون هذا ناتج عن اضطرابه فلأصغى له حتى يهدأ و يعود لرشده حاضر يا حبيبي
تحاول الجلوس على الأرض و تمسك بقدمه كي تخلع له حذاءه و بمجرد خلعه تجده يدفعها بقدمه بشده في وجهها حتى انها تقع على ظهرها إيه ده في ايه يا حسين 
يقترب منها و يمسك طرحتها بيديها و يكلمها بصوت يشبه فحيح الافعى في إيه بقى كل ده و كل اللي انتي عملتيه فية و مش عارفه في ايه 
هدير ااه يا حسين حرام عليك في ايه يا حسين انا زعلتك في ايه 
حسين زعلتيني ده انتي قهرتيني ده انتي ذلتيني و فاكراني بسهوله كده حسامحك و انسى اللي عملتيه و ابدأ معاكي صفحه جديده ده انتي تبقي بتحلمي
هدير حسبن انت بتقول ايه يا حسبن حسين حرام عليك و النبي اااه شعري مش قادره 
حسين هههههههه لا اجمدي كده ده اللي جاي كتير اوي هو انتي لسه شفتي حاجه ده انا كده بهزر معاكي بسخن الملعب بس عشان يستحمل اللعب 
اطمني يا حبيبتي انتي حتشوفي اسود ايام حياتك حخليكي تتمني المۏت و مش حتطوليه يا هدير
هدير يعني انت مسامحتنيش يا حسين 
حسين اسامحك عمري ما حسامحك انا مبكرهش حد فحياتي اد ما بكرهك اوعي تكوني فاكره اني وافقت ارجعلك عشان بحبك و الكلام الفارغ ده لا يا هانم فوقي انا وافقت ارجعلك بس عشان اعرف انتقم منك براحتي و اشربك من نفس الكاس الي دوقتيهولي و اوعدك يا حبيبتي انك حتعيشي معايا اسود ايام حياتك قومي 
هدير حسين انا عارفه و الله اني زعلتك كتير بس ربنا يعلم انا ازاي اتعذبت فبعدك و اماشفت اد ايه انا بحبك بعد ما سيبتك و انت رجعتلي و احنا خلاص بقينا مع بعض حتى اللي حصل دلوقتي انا مسمحاك فيه و الله مسمحاك

بس خلاص عشان خاطري خلينا ننسى و نبدا مع بعض حياتنا و اوعدك
حسين مش حيحصل يا هدير مش حيحصل واياكي تحلمي اني ممكن اسامحك و اخليكي تدخلي قلبي من تاني انتي خلاص خرجتي و ملكيش مكان فيه مهما عملتي 
هدير يبقى طلقني 
حسين حطلقك من ناحية حطلقك حطلقك متستعجليش بس لما ييجي المعاد اللي انا احدده حسب بقى مزاجي يا ماما 
هدير و انا ايه اللي يجبرني استحمل  
هدير بعياط حاضر حاضر 
تقوم هدير و هي مش قادره و تخرج تجيب له الاكل و هو يقعد ياكل 
تفضل ټعيط طول الليل مع نفسها لحد ما عينيها تغمض و تنام من غير ما تحس و بعد مرور ساعات طويله انتي يا بني ادمه انتي 
تقوم مفزوعه ايه في ايه 
حسين اهلنا بره عالباب قومي اغسلي وشك والبسي حاجه على ما اطلع استقبلهم و اياكي تنطقي بحرف انتي فاهمه
هدير پخوف حاضر فاهمه فاهمه
يعدل من هيئته و يخرج يفتح لهم الباب و يستقبلهم و بعد شويه تخرج لهم هدير و هي لابسه عباية استقبال جميله اوي تاخدها امها فحضنها الف مبروك يا حبيبتي 
هدير الله يبارك فيكي يا ماما 
تسلم على مامته و على اختها و على يسرا اللي تقوللها انها خلاص مسافره و جت تسلم عليهم قبل السفر 
يقعدوا معاهم شويه و حسين و هي بتترعش من الخۏف مكنتش عاوزاهم يمشوا انتوا قومتوا ليه خليكم شويه 
مامت حسين لا يا حبيبتي مينفعش انتوا عرسان لازم نسيبكم براحتكم احنا جينا عشان نقولكم مبروك و يسرا تسلم عليكم قبل ما تسافر 
سما و انا بقى جيت عشان اخد الطرحه و التاج و الحلق و الكوليه عشان اروح ارجعهم للكوافير
هدير إيه أنا مش عارفه راحوا فين 
كلهم يبصوا لبعض و يضحكوا هههههههه طبعا مانتوا فرحتكم ببعض خلتكم ترموا الحاجه من غير ما تحسوا ربنا يهنيكم يا رب 
حسين انا شايلها حاضر حجيبهالكم
يدخل حسين و يجيبهم من على السراحه و يديهم لهم و يسلموا عليهم و يمشوا 
قومي اتنيلي حطيلي اكل 
هدير حاضر 
تجري هدير و تجيب الأكل و تحطه عالسفره و تيجي تقعد عالكرسي لكنها تتخض من صوته انت حتعملي ايه 
هدير حقعد اكل جعانه 
حسين امشي غوري كلي في اي داهيه انتي ملكيش اكل معايا 
هدير حاضر 
تدخل هدير المطبخ و تحط أكل قدامها عالطربيزة اللي في المطبخ كانت جعانه اوي بس اول ماتحط لقمه فبؤها متقدرش تبلعها و تلاقي نفسها عماله ټعيط جامد يارب انت العالم بحالي انا غلطت و بحاول أصلح اللي غلطت فيه يارب انا بحبه و الله بحبه حنن قلبه علية يارب تسيب د موعها تنحدر على خدها و هي قاعده مكانها مش عارفه تعمل ايه و لا تروح تقعد فين سمعت صوته اعملي شاي 
تقوم هدير جري تعمل الشاي و تحطه ادامه 
هدير طب انا حعمل ايه حقعد فين
حسين اقعدي في اي داهيه من غير مااشوف وشك 
هدير حاضر 
تاخد مصحف و تروح تقفل الستاره اللي عالبلكونه و تقعد في الأرض و تقرأ قرآن و هو قاعد مش طايق نفسه و لا الدنيا مش قادر يصدق نفسه انه بيعمل كده قايم بدور مش دوره حاسس انها صعبانه عليه لكن في نفس الوقت عاوز ينتقم منها مش عارف اذا كان لسه جواه حاجه ناحيتها و اللا لاء 
لكن هو مشى مشوار و لازم يكمله للآخر 
ينادي عليها لكن هيا مكنتش سامعاه يدور عليها يبص يلاقيها قاعده في ارضية البلكونه و بتقرا قرآن اسم الله عليكي تقيه اوي وعارفه ربنا 
هدير عاوز ايه يا حسين 
حسين قومي انجري ادامي عاوزك
و مرت عشر ايام و كأنهم عشر سنين ادام الناس سعدا و مبسوطين و بينهم و بين بعض الد الأعداء
وجه الوقت اللي المفروض يرجعوا شغلهم لكنها تتفاجئ انه رافض انها ترجع الشغل يعني ايه مش حرجع شغلي 
حسين هو ده اللي عندي مفيش شغل خلاص 
هدير حرام عليك يا حسين الشغل هو الحاجه اللي حتفرج عني 
حسين و عشان كده مفيش شغل وانا قلت اللي عندي 
هدير هو مش انت حتطلقني سيبلي بقى حاجه تبقالي 
حسين و انتي تفتكري بعد ما اطلقك حيكون فيكي حيل تشتغلي واللا حتي تقومي من مكانك اطمني يا حلوة انتي حتخرجي من هنا متكسرة و بعدين مش يمكن اسيبك على زمتي اهوه عالاقل حتنفعينا