روايه بقلم يارا

دي
حرك راسه بنفي هاتفآ 
انا قطعت علاقتي بيهم هما الي حضرو الخطوبه لوحدهم اقسم بالله انا قطعت علاقتي بيهم
_ الموضوع ده لازم يوصل لاهلك ولنيره نفسها مينفعش تسكت افرض طلعت حامل هتعمل ايه 
_ مش عارف سامحيني يا مريم علشان ربنا يسامحني بطلي الحسبنه الي بتنزليها كل دقيقه علي صفحتك دي انا عندي استعداد اتجوزك واصلح غلطتي بتاعه زمان
_ تتجوزني !
قالتها وهي تضحك بقوه ليقول هو 
هطلقك في مده الي تحدديدها
_ انا مش محتاجه
________________
خدمتك دي اختي سترت عليا
_ مش فاهم يعني ايه !
_ انا حكيت ل اشرقت ان في واحد حيوان معندهوش لا قلب ولا ضمير خطڤني ودمر حياتي خدتني عند دكتوره وعملتلي عمليه رجعتني بنت تاني علي فكره انا مكنتش عايزه اعمل كده وكنت عايزه اقدم فيك بلاغ بس هي مرضتش وقالتي دي ڤضيحه احنا مش قدها والعمليه مش حرام في الحالات الي زي لان الي حصل مكنش بمزاجي وسترت عليا علشان كده مرضتش اڤضحك قدامها واقولها الي دمر حياتي اخو خطيبك ..

_ مريم انا كنت صغير وطايش ومشيت وراه الشله من غير ما اشغل دماغي
_ ملهوش لازمه الكلام ده فكر هتعمل ايه مع بنت عمك وعلي فكره انا شمتانه فيك اوووي ويارب يا شيخ متعرفش تخلص من مشكله دي 
وعندما وجدت ووالدتها تشير اليها هتفت 
ماما عايزاني 
قالتها ورحلت اما هو نظر الي نيره بضيق قائلا 
عاجبك كده جبتيلنا الكلام اهو 
وعندما انتهت حفله الخطبه وعاد الجميع الي منازله ..
لم تعير نيره انتباه اي احد وذهبت الي غرفتها واغلقتها خلفها بقوه ليقول شريف 
نيره هتفضل زعلانه كده لحد امته 
_ بابا بلاش تديها اهتمام وهي هتتعدل دلعنا فيها هو الي عمل كده
_ يا سليم نيره امانه اخويا سايبها عندي
_ ايوه ما هو حب يخلص منها راح لبسهالنا وريح دماغه 
قالتها سليم بضجر ورحل الي غرفته هو الاخر
وبداخل غرفه نيره اضاء هاتفها ابتسمت وهي تقوم بالرد وصل اليها صوت حازم وهو يقول
_ روحتي ولا لسه 
_ لسه واصله دلوقتي
_ هتنامي ولا سهرانه !!
تمددت علي الفراش وهي تقول 
لا سهرانه بنام الصبح كده
_ حلو يبقي نسهر مع بعض يا قمر 
استيقظت من نومها الساعه السابعه مساء 
فهي بالامس قضت الليله باكملها تتحدث بالهاتف مع حازم حتي الساعه التاسعه صباحآ
تناولت هاتفها لتجد رساله منه علي تطبيق الواتساب منذ ساعات
صباح الخير يا جميل
ابتسمت وهي تقوم بالكتابه والرد عليه 
صباح نور 
_ يا ابني دي كتوره نساء تروح معاها ازاي بس انا هروح معاها الاعاده 
قالتها ناديه الي فادي ليقول بتصميم 
ايه مشكله يعني ما انا روحت معاها قبل كده
_ كان اجباري لاني مكنتش موجوده
_ ماما انا هروح معاها وهستني براه وهي تكشف متتعبيش نفسك معايا لاني مش هغير راي 
قالها فادي ثم رحل تاركآ اياها صعد الي غرفه نيره وترك الباب وعندما اذنت له هتف 
لسه صاحيه! ده انا داخلين علي العشاء 
_ نمت متاخر امبارح
تنهد فادي وهو يجلس بجانبها هاتفآ 
انسيه يا نيره وريحي نفسك
_ هعمل كده اكييد
_ ياريت تطلعي قد كلامك بس يلا قومي اتغدي الي هو بنسبالك فطار واجهزي علشان نروح لاعاده بتاعه دكتوره
_ يااه انت لسه فاكر ده انا نسيت وخفيت خلاص
_ بردو نروح الاعاده نطمن وبلاش مقاوحه اسمعي كلام بهدوء علشان اخدك فسحه حلوه تفتح نفسك كده علي مذاكره لان امتحاناتك الي بعد كام شهر هاا كام شهر يعني نلم نفسنا كده ونقعد نشوف مستقبلنا
_ مش هذاكر خالص وهسقط واحړق ډم سليم
_ وحياتك ولا في دماغه خليكي انتي اسقطي وعيدي ثانويه عامه تاني وهو هايص مع خطيبته
تناولت هاتفها عندما وصلت اليها صوت رساله ثم بعثت به وابتسمت
_ بتضحكي علي ايه
اغلقت الهاتف وهي تقول 
ولا حاجه عادي يلا قوم شوف وراك ايه وانا هجهز دلوقتي اهو 
_ وانت هتستفاد ايه من كلامك معاها 
قالها يوسف ليجيبه حازم 
اهو بتسلي
_ ملقتش غير دي الي تتسلي معاها احنا عايزين نبعد الشبهه عننا مش نقربها 
قالها خالد باانفعال
_ انتو قلقانين من ايه! عموما لو الحكايه انكشفت انا هشيل الليله كلها حلو كده!
انت عايز ايه من نيره
_ هتفهموا بعدين كل حاجه هتفهموها بعدين 
قالها حازم بملل واضح
ابتسمت الطيبه وهي تهتف 
لا كده تمام خالص انتي مش محتاجه اكشف عليكي ولا اي حاجه
_ انا مكنتش عايزه اجي الاعاده اصلا لاني حسيت نفسي بقيت كويسه بس ابن عمي كان قلقان عليا وصمم
_ اكيد عايز يطمن عليكي ممكن تبلغيه يدخل علشان اطمنه عليكي
نهضت نيره وهي تهتف 
ايوه طبعا
وبالفعل خرجت نيره وهي تقول 
اهو طلعت كويسه مفيش حاجه والدكتوره جوه عايزاك بنفسها علشان تطمنك
_ طيب خدي المفاتيح واستني في العربيه تحت
ومدخلش معاك ليه!
_ براحتك عايزه تدخلي تعالي
تناولت منه المفاتيح وهي تقول 
لا مش عايزه
قالتها ورحلت ليتنهد هو بارتياح ودلف الي الطبيه لتهتف 
مطلعتش حامل ولا حاجه
_ بجد يا ساتر هم وانزاح من علي قلبي 
قالها فادي بارتياح شديد لتقول هي 
انزاح ازاي وحياه البنت الي ادمرت دي انت تتخلي عنها ولا ايه !
حرك راسه بنفي قائلا 
لا طبعا بس انا لقيت حل ممكن حضرتك تعمليها عمليه ترجعها زي ما كانت وتفهميها هي وبابا وماما انك هتعملي اي عمليه وخلاص
_ يا سلام بسهوله دي اولا حضرتك انا مليش في العمليات الشمال دي ثانيآ بقي العمليات دي مش بتتعمل غير قبل الفرح باسبوعين مثلا
_ اسبوعين ازاي دي في واحده عملتها ولسه مش هتجوز دلوقتي
_ لا يمكن يحصل لازم قبل الفرح تتعمل
وهذا لا يعني سؤي شئ واحد ان مريم كذبت عليه في كل ما اخبرته به انتبه من شروده علي صوت الطبيبه وهي تقول 
انت لو موصلتش لحل انا هضطر ابلغ عنك
_ تبلغي ايه يا ستي اهدي شويه انا واصل لحل من بدري اصلا بس لقيت حل تاني طلع قدامي مش اكتر
الحل الاول ايه بقي !
_ اني هتجوز نيره بعد ما تخلص ثانويه عامه ..
مرت الايام ونيره تتحدث يوميآ مع حازم اصبح بنسبه لها شئ اساسي في يومها لم يعد يهمها سليم في شئ يكفي كلمات حازم لها ...
تقف الي المراءه تقوم بتمشيط شعرها وتتامل ملامحها وكلمات حازم ترن في اذنيها 
انا عمري ما شوفت واحده في حلاوتك ولا جمال عيونك القمر دول
ارسلت قبله هوائيه الي انعكاس صورتها في المراءه ثم خرجت من غرفتها ووصلت الي الطابق السفلي حيث يجلس الجميع 
جلست بجانب شريف وهي تهتف بابتسامه 
ممكن طلب ومتقوليش لا
لو ينفع اكيد مش هقولك لا
_ ممكن بعد اذنك يعني تديني فلوس كتيره يعني اجيب ميكب ولبس وفساتين واكسسوارت وكده يعني لاني زهقت من ميكب الي عندي ولبس بتاعي عايزه حاجات جديده
_ اكيد طبعا ممكن بس مش مفروض دلوقتي نركز في مذاكره بتاعتنا ونخلي
كلام ده بعد ما نخلص امتحانات ولا ايه 
حركت راسها بنعم وهي تقول 
كلامك صح جداا بس انا مش هدخل امتحانات السنه دي وهدخل السنه جايه علشان اكون ذاكرت كويس
_ قدامك وقت تذاكري وتلمي الي فايتك مش هنقعد الف سنه في ثانويه عامه احنا 
قالها سليم لتقول نيره 
انا بكلم عمو مش بكلمك متدخلش في الكلام
_ حبيبتي سليم خاېف عليكي بلاش تخسري سنه من عمرك علي الفاضي ذاكري واعملي الي عليكي في الكام شهر الباقين والي ربنا كاتبهولك هتشوفيه اتفقنا يا حبيبتي 
صمتت قليلآ وهي تفكر ثم هتفت 
ماشي اتفقنا بس تديني فلوس اجيب لبس وحاجات وانا هذاكر
_ حاضر من عنيا 
قالها وهو
________________
يضمها اليه لتقول هي 
شكرا ليك انا بحبك اووي
وبعد مرور الوقت غفلت نيره وهي في احضانه لتقول ناديه 
يا روحي نامت علي نفسها
ابتسم شريف وهو ينظر الي تلك النائمه هاتفآ 
لانها كانت محتاجه الحضن ده
_ اخوك قلبه حجر كل سنين دي مفكرش يشوف بنته
_ مشغول يا ناديه بدنيته ومش فاضي لمسكينه دي جوازته من علا كانت مجرد تسليه معملش حسابه ابدا انها ممكن تحمل كان فاكر طلاما بيحطلها حبوب منع الحمل خلاص
_ بس علي اقل ميحرمهاش منه كده هي ملهاش ذنب في حاجه خلاص الحكايه انكشفت ومراته عرفت فيها ايه لما يشوفها كل سنه مره حتي
ليقول فادي 
بعيدآ عن الحوار العظيم ده انا عايز ابلغكم اني بحب نيره وعايز اتجوزها
_ نعممممم
قالها الجميع في صوت واحد استيقظت نيره علي صوتهم ذلك وهي تقول 
في ايه!
مفيش حاجه يا حبيبتي اطلعي كملي نوم في اوضتك يلا
قالها شريف لتحرك هي راسها بالايجاب وترحل الي غرفتها ليقول سليم 
نيره ايه الي بتحبها وعايز تتجوزها!!
_ عادي بحبها فيها ايه دي
_ مينفعش هتعيش معاها ازاي وانت عارف انها بتحب اخوك !!!
قالها سليم بانفعال ليجيبه فادي 
والله دي حاجه تخصني
_ سليم اخرج براه الموضوع وملكش دعوه بيه 
قالها شريف ليقول سليم 
هخرج حاضر وسايبهلكم مخضره كمان
قال جملته الاخيره بضيق واضح ثم نهض لتقول ناديه 
كلام سليم صح مينفعش يا فادي انت مش شايف هي متعلقه ازاي بسليم!
_ شايف وفاهم بس سليم خلاص خطب وهي بدات نتقبل الامر الواقع
_ بس منسيتش سليم
_ هتنساه يا ماما مع الوقت هتنساه وانا مقولتش هخطبها ولا هتجوزها دلوقتي لسه شويه ولا انت ايه رايك يا بابا
_ راي زي رايك يا فادي وطلاما انت بتحبها خلاص
وفي الطابق الاعلي هتفت وهي تتحدث في الهاتف 
ولحقت يعني تحبني في الفتره القليله دي
اجابها حازم بتاكيد 
انا حبيتك من اول مره شوفتك فيها مع فادي يوم عيدميلادي
_ ايوه بس انا مش واحده بتاعه تسليه وكلام ده الي بيحب حد يجي يخطبه ولا ايه
_ اكيد طبعا لو تحبي اكلم والدك دلوقتي واطلبك ايدك معنديش مانع
_ لا كلم عمو شريف بابا ملهوش دعوه بيا مبيحبنيش اصلا
_ مفيش اب بيكرهه بنته
تنهدت وهي تهتف 
لا هو بيكرهني انت مش فاهم حاجه بص اخلص امتحاناتي وانت تعالي اتقدملي ونتخطب بس نتجوز شويه كده وانا في تالته او رابعه كليه 
مرت الايام واصبحت نيره هادئه لا تفكر في شئ يخص سليم فقط تفكر في حازم ...
اليوم اختبارها الاول في الثانويه عامه .. 
العديد من الاسئله وقفت امامها ولم تتمكن من حل الاختبار بشكل جيد خرجت من اللجنه وهي تزفر بضيق واضح تخشي ان ترسب في الماده باكملها ...
اخرجت هاتفها عندما وجدت اتصال من حازم اجابته هي عندما اخبرها هو 
ها عملتي ايه 
_ زفت وشلت الماده