روايه بقلم اماني الياسمين

عشان اعرف حنيتها او الام بتبقى عامله ازاى انا وعيت على ماما ساميه ولفيت نفسى بقولها ياماما رغم انها عمرها ماحسستنى انى بنتها
زينب وانا حتى ماعرفتش اعاملك حتى زى ساميه عاملتك اوحش 
رنا بحزن حقك ياطنط صدقيينى الكلام الى انت قلتيهولى على اد ما بيوجع على اد ماهو الحقيقه الحقيقه ان حمزه كان يستاهل واحده احسن منى الحقيقه ان حمزه من حقه يكون ولد يشيل اسمه والحقيقه انى ست ناقصه
زينب اهو انا هنا انهارده عشان اقولك انك ست الستات وحمزه لو لف الدنيا كلها مش هيلاقى ضضفرك بنت ناس

________________________________________
مأصله العيبه ماتخرجش منها رغم ان حماتها ياما سمعتها كلام زى الزفت يخلى الحجر ينطق ومع ذلك لا عمرها ردت ولا عمرها أشتكت لجوزها من امه الى بتعايرها سكتت قليلا ثم قالت ماتستغربيش يارنا انا ربنا حب ياخدلك حقك منى فورانى فى بنتى الى كنت بعمله فيكى 
رنا ايه ازاى ماله هناء
زينب بنتى الى معاها البنت ومعاها الولد وتقدر تخلف تانى وتالت جوزها اتجوز عليها ولما راحت تشتكى لحماتها امه طردتها وقالت لها انه حقه يتجوز مره واتنين وتلاته ولما عليت صوتها عليها طردتها هى وابنها ورمى عليها يمين الطلاق ورماها هى وعيالها فى نص الليل لولا ناس مصريين صعبت عليهم خدوها عندهم واتفاوضوا مع جوزها عشان يديها هدومها واوراقها عشان تعرف ترجع تانى
رنا لا حول ولا قوة الا بالله مسكينه هناء
زينب عارفه يابنتى يمكن لو كنت شفت فى عينك نظرة شماته كانت هونت عليه عذابى 
رنا ماتقوليش كده ياطنط انا عمرى ما اشمت في اى حد مابالك لو الحد ده حد من طرف حمزه وان كان على حضرتك انا مش زعلانه منك كل لما كنتى بتزعلينى كنت ببص فى وش حمزه واقول اتحمل اي حاجه من الست دى كفايه انها جبتلى حمزه وعشان حمزه أستحمل ام حمزه 
أبتسمت زينب وقالت ربنا يديكى يابنتى على اد نيتك الطيبه ويبعد عنك شړ ولاد الحړام 
طفرت الدموع لعيون رنا وقالت اهى دى احسن دعوه يا امى 
وهنا بكت زينب أيضا وأخذت رنا فى وهى تقول ياحبيبة قلب امك يارنا 
وصل حمزه الى منزله فوجد أصوات ضحك قادمه من الصاله أستغرب فى الاول الصوت ولكنه بعد ذلك ميز صوت والدته دخل حمزه عليهم وأستغرب هذا التناغم الذى بينهم فقال سلاموا عليكم 
رفعت رنا رأسها من على أبنتها التى كانت تلاعبها على الأرض
وقالت وعليكم السلام 
زينب حمد لله على السلامه ياحبيبى
عامله ايه ياحبيبتى
أستغربت رنا من طريقته بالرغم من انهم آخر مره على الهاتف كان غاضب منها بشده فقالت برقه الحمد لله
رفه حمزه أبنته من على الارض التى سرعان ما بدأت رحلتها الأستكشافيه على وجهه وحمزه يقهقه بشده 
نظرت رنا الى زوجها فهذه أول مره تراه يلاعب ابنته فأستغربت أكثر من طريقة تحيته لها عند دخوله ومنت نفسها ان التغير يكون نابع من أحساس بالذنب ونوع من انواع الأعتذار
رفع حمزه رأسه فأمسك بنظرات رنا اليه فأبتسم لها أبتسامه يعلم تأثيرها عليها وقال مش هناكل يا رنا
قامت رنا وقالت اهحالا الاكل يكون جاهز 
حمزه طب امسكى ياماما هنا عقبال لما أغير هدومى أضاف ممازحا وبالمره أطمن على خريطة وشى الى لخبطتها بنت دى ده انا جاسه ان مناخيرى بقيت مطرح عينى
انتهى العشاء وجلس حمزه قليلا مع
والدته وتركتهم رنا لتضع الصغيره ف الفراش حكت زينب لولها ماحدث مع أخته ووعدها بالحل السريع بعدها بقليل أتى طارق وانضم الى جلستهم وبعدها أخذ والدته ورجعوا الى بيتهم
دخل حمزه الى الغرفه فوجد رنا جالسه على سريرها مرتديه قميص قصير من اللون الوردى رغم انه كان محتشم نوعا ما ولكن أختلاف نوعيته عن القمصان الطويله التى دوما ترتديها جعلها فاتنه وخصوصا انها لاول مره تستخدم ادوات التجميل
كانت فاتنه وجميله ببرائتها التى فى رأيه لا تتمتع بها اى أمرآه أخرى سواها فى نظره
أقترب منها حمزه بنظرات تملئها وجلس بجانبها وقال ايه
الجمال ده 
خجلت رنا من نظراته واحمرت وجنتيها وقالت بتلعثم حمزه انا كنت عايزه اقولك انى
هششششش مفيش كلام انهارده مفيش كلام انهارده هنكون انا وانتى بس ومش هنفكر ولا هنتكلم عن حد تانى ينفع
أومأت رنا بخجل وقالت بهمس ينفع
ولكن صوت بكاء جعل رنا تهمس بصوت متلعثم حمزه حمزه 
حمزه بصوت أجش سبيها هتنام تانى
حاولت رنا ان تدفعه برفق حمزه ماينفعش هنا
أبتعد حمزه عنها پغضب وقال أوف 
ربتت رنا على كتفه وقالت آسفه حبيبى والله هشوفها واحاول انيمها
أمسكها حمزه من يديها قبل ان تذهب وقال انتى عارفه ان دى اول مره تقولى لى ياحبيبى
خجلت رنا فأشفق حمزه على خجلها وقال روحى شوفى بنت دى
ذهبت رنا الى مخدع الصغيره وحملتها وحاولت تهدئتها ولكن هنا كانت تبكى بشده أقترب حمزه منها وقال مالها بټعيط اوى كده ليه 
رنا مش عارفه شكلها تعبانه عشان سنانها بتطلع 
حمزه طب بتعملى ايه فى الحاله دى 
رنا هديها مسكن امسكها بس ياحمزه عقبال ما اجيبه
تشبثت الصغيره بوالدتها ودفنت رأسها فى كتفيها ورفضت ان تذهب لوالدها حملتها رنا وأعتطتها المسكن وظلت تلف بها فى الغرفه تهدهد فيها وتغنى لها حتى غفت الصغيره ولكن قبل ان تغفو كان حمزه غفى قبلها تعبا من الانتظار
مرت الايام بعدها بدون احداث تذكر فقد ظلت الصغيره تعانى من الآم الاسنان لمدة ثلاث ايام حتى قرر حمزه ان يعود مره أخرى الى غرفته والا ينام بعدها معهم
اما عن احلام فلم تنقطع اتصالاتها بحمزه وحمزه كان يرد عليها مره ويتجاهلها خمس مرات
اليوم

________________________________________
هو يوم زفاف احد رجال الاعمال المعروفين وكان حمزه معزوم وابلغته احلام ايضا انها من المدعويين وطلبت منه ان يصطحبها معه الى الحفله
أنتظرت رنا ان يعرض عليها حمزه ان يصطحبها معها وكانت مقرره ان توافق هذه المره ولكن لدهشتها انه لم يعرض وعندما أفصحت عن أستحياء رغبتها فى الذهاب معها فأجابها ان الصغيره مريضه ولا يجوز تركها وحدها ورغم ان الصغيره تعافت لكن رنا رفضت ان تجادله واستسلمت وسكتت
وصل حمزه الى منزل احلام وحاول الاتصال بها لكن هاتفها كان مغلق فأضطر بعد الكثير من المحاولات ان يصعد لها
وصل حمزه الى طابق احلام ورن الجرس ففتحت له احلام
وقف حمزه مبهورا بجمالها للحظات ثم أجلى حلقه وقال بصوت حاول ان يضفى عليه الثبات احلام انتى لسه ماجهزتيش
احلام لا انا جاهزه انا بس هلبس الفستان وخلاص
وكأنها تلعب بخياله لتخبره بأن تحت هذا الفستان او على الأقل هناك القليل جدا من الملابس
قال حمزه بصوت أجش طب ياله 
أقتربت منه احلام فوصله عطرها الجذاب وقالت
بصوتها ذات النبره المبحوحه المميزه تعالى انت هتفضل على الباب
وقبل ان يجيبها كانت قد سحبته من يده وأدخلته وأغلقت الباب خلفه وقالت هلبس فورا 
وما ان تحركت حتى أمسكها حمزه من يديها ليمنعها من الذهاب التفتت له احلام ووجدت فى عيونها نظره وكأنه متردد ونادم على هذه الخطوه فلم تمهله احلام فرصه وأقتربت منه وقالت وحشتك
للحظات لم يرد عليها حمزه فأكملت انت وحشتنى وحشتنى اوى ياحمزه وأقتربت منه أكثر وقالت لحد امتى ياحمزه 
حمزه بصوت اجش لحد امتى ايه
احلام لحد امتى هنفل تعذبنى وټعذب نفسك كده لحد امتى هتفضل تمنع نفسك عنى ياحمزه 
أبعدت أحلام رأسها عن كتفه وقالت وهى تنظر فى عيونه انت عاوزنى ياحمزه
حمزه بارتباك انا انا 
احلام انت خاېف وانا عندى الحل الى يريحك من خۏفك ده 
حمزه ايه هو الحل
احلام وهى تعبث بحزام روبها وتقترب منه نتجوز 
الحلقه الرابعه والثلاثون 
احلام انت خاېف وانا عندى الحل الى يريحك من خۏفك ده 
حمزه ايه هو الحل 
احلام وهى تعبث بحزام روبها وتقترب منه نتجوز
حمزه متفاجئا نت أيه 
أحلام وهى تركز على كل حرف ن ت ج و ز 
قبل ذلك بساعات كانت ديما فى زياره لرنا فى منزلها 
جلست ديما مع رنا وتحدثوا كثيرا ولكنها لاحظت ان رنا مهمومه وهناك مايؤرقها حاولت ان تعرف مابها ولكنها أبت فى بداية
الأمر ان تحكى شيئا ولكن بعد أصرار دييما أضطريت رنا ان تحكى
قالت دييما بعدما سكتت رنا انتى عارفه انك انتى أختارتى الأصعب 
رنا مش فاهمه
ديما بصى يا رنا الست لما بتعرف ان جوزها بېخونها بيكون أدامها حل من حلين اولهم انها تعمل انها طبعا تواجهه وبعد ما تتأكد فعلا من الخيانه تبعد 
رنا
تتطلق يعنى 
ديما بالظبط كده تتطلق تمشى وتسيبه المهم انها تختار انه ميكنش موجود فى حياتها تانى 
رنا والحل التانى 
ديما الحل التانى ده حل الست الى عايزه تعيش الحل انها تعمل نفسها معرفتش مدام مش هتقدر تاخد موقف يبقى تسكت وتعمل نفسها مش واخده بالها لانها لو بينتله انها عارفه ومش عارفه تاخد معاه موقف الى كان بيعمله الاول فى المستخبى هيعمله على الملأ وهو عارف ومتأكد انها مش هتعرف تتكلم ولا تقوله تلت التلاته كام زيك كده انتى عرفتيه انك عارفه ومع ذلك معرفتيش تاخدى موقف معاه وكأنك بتقولى له انا سلمت ورفعت الرايه الحمرا اعمل الى انت عايزه بس اهم حاجه ارجع نام جمبى وماتسبنيش
رنا ماهو انا مش معقول يا
ديما كنت بعد ماعرفت عملت نفسى مش واخده بالى 
ديما مدام مش عارفه تاخدى موقف يبقى تسكتى احسن
رنا والموقف الى كنتى عايزانى اخده انى اطلق 
ديما طب على الاقل سبيه كام يوم يتربى 
رنا ماهو قالى لو خرجتى مش هاجى اجيبك ولا هيسبنى ارجع هنا تانى
ديما يبقى مش باقى عليكى ومايستاهلش تعيشى معاه
حزنت رنا وأطرقت برأسها للأسفل أقتربت ديما منها ووضعت يديها على كتفها وقالت انتى زعلتى منى يا رنا 
رنا لأ انا زعلانه على نفسى عشان ضعيفه ومش بعرف اخد موقف وخصوصا مع حمزه سكتت قليلا ثم قالت يمكن عشان بحبه اوى
ديما حبيبتى حلو اوى انك تحبى جوزك طبعا وده مش عيب بس لازم تتعلمى قبل ماتحبيه تحبى نفسك حبى رنا الاول يا رنا لما تحبيها وتحسى بيها مش هتيجى عليها ولا هتسمحى لحد يجيى عليها هو كمان لو بيحبك مش هيجرحك 
رنا بس هو حلف لى ان العلاقه بينهم مجرد كلام على الشات يعنى مش علاقه كامله 
ديما انا مش هقولك انه كداب بس هقولك ان الخيانه واحده النظره خېانه التشاتنج خېانه كلامه مع واحده غيرك ف التليفون خېانه كل دول خېانه كل حاجه انتى المفروض تاخديها وبيديها لغيرك من