حافيه علي جسر عشقي بقلم ساره محمد

حاجة تانيه وانه قبل م يمشي قالي جمله لسة بترن في ودني لحد دلوقتي.. فاكر يا مازن قولتلي أيه!! قولتلي انك بتتمنى الزمن يرجع عشان متعيدش الغلطة دي وتتجوزني!!!! لو كنت جنبي ومعايا مكنش حد هيقدر يعمل فيا أي حاجة كل قرف أنا عيشته كان بسببك عرفت بقا بقولك ليه انت السبب في دة كله!!!!!
لم تظهر تعبيرات على وجهه كان باردا لم تهتز شعرة له عيناه جامدة تطالع حدقتيها التي تهتز بعدم إتزان يراقب زفيرها العال بجمود ظل هكذا دقائق ولكنه لم يستطيع التحكم بغضبه ليقبض على كتفيها بقسۏة يهزه پعنف ناهرا والجمرات المشټعلة إن كان لها أثر فيزيائي لباتت هي فتات من الرماد

مين اللي قالك أني رميتك ومكنتش عارف عنك حاجة مين!!!! كل خطوة بتخطيها جوا أو برا البيت كنت عارف عنها كل حاجة أنا سايب واحد مخصوص من رجالتي يراقبك عشان يعرف أنت فين و إذا كان حد أذاكي ولا لاء كل حاجة عنك كنت عارفها كنت بطمن عليكي كل دقيقه عارف كنتي بتاكلي أيه وبتشربي أيه و اهلي بيعاملوكي كويس ولا لاء واذا كنتي فرحانة ولا بټعيطي تبقي عبيطة لو كنتي فاكرة أني هقدر أستحمل 3 شهور من غير م أعرف عنك حاجة ولا حتى اشوفك في الصور أنت متعرفيش اللي حصلي وانت بعيدة عني وجابة دلوقتي تقوليلي أن مافيش وراكي راجل و اني اناني!!!!
لم تستطيع فريدة التفوه بحرف فاغرة شفتيها بصعوق تنكمش بجسدها بين ذراعيه أرتعش جسدها لنظراته الحاړقة لتزدرد ريقها نفضها هو من بين ذراعيه ليلتفت يعطيها ظهره مغمضا عيناه ضاغطا على أسنانه بشدة رفعت أنظارها لمنكبيه فهي لازالت غير مستوعبة كلماته أخذت حقيبتها لتقرر الذهاب فهي دوما عندما لا تعلم ماذا ستقول تهرب بعيدا لتهتف متجهة نحو الباب
أنا ماشية!!!!
توحشت نظراته ليلتفت متجها لها ثم أمسك بها من ذراعيها بقوة قائلا
فاكرة نفسك رايحة فين!!! مش هتتحركي من هنا غير و انا معاكي!!!!
تهدلت كتفيها قائلة بصوت راجي على حافة البكاء
سيبني امشي يا مازن لو سمحت!!!!
قولت لاء انت هتفضلي معايا هنا!!!!
قال بصوت حاد لا يقبل النقاش و هو لا زال مشددا على ذراعها فبكت هي بحړقة شعر مازن بنغزات حقيقية بقلبه كما لوأن قلبه يعتصر من شدة الألم الذي يعانيه فقد مر الكثير من الوقت ولم يأخذ دوائه أرتخت يداه على ذراعها كما أرتخى جسده تدريجيا ليلتفت للأريكة جالسا عليها يحاول أن لا يظهر لها ألمه واضعا كفيه على وجهه منحنيا بجزعة العلوي فظنت فريدة أنها دعوة منه لذهابها لتفتح الباب سريعا ثم صڤعته خلفها تجاوزت الدرج لكي لا تضطر لإنتظار المصعد فيغير هو رأيه و يذهب ورائها!!!!
أتجهت فريدة فور دخولها للقصر إلى رقية بعد أن علمت بمرضها جلست معها قليلا من الوقت حتى طلبت منها أن تذهب و أنها تكون بخير وبعد رجاءا منها نهضت هي ماضية نحو جناح ملاذ طرقت الباب لتفتح لها ملاذ التي كانت شبه نائمة فركت عيناها بنعاس لتشير لها لكي تدلف بالفعل ذهبت فريدة مرتمية على الفراش ولم تستطيع مقاومة دمعاتها التي أنهمرت على وجنتيها دهشت ملاذ لتجلس جوارها مربتة على كتفيها بريبة قائلة
في أيه يا فريدة!!!
فركت فريدة كفيها وهي تنظر لهما لتعتلي ملامحها الألم صمتت قليلا ثم هتفت بنبرة ضائعة
أنا تعبت يا ملاذ خلاص طاقتي خلصت مش قادرة أتحمل!!!! انا حاولت اسامحه معرفتش و ف نفس الوقت مش قادرة أبعد عنه مش قادرة أصلا اتخيل حياتي و هو مش فيها كل مرة بقوله فيها أبعد بيطلع مني ألف صوت يقوله خليك مش قادرة أسيبه و أمشي مش قادرة أعمل كدا!!!!
صدمت ملاذ من حديثها لتهتف بإندفاع
لاء أوعي تسيبيه!!!!
نهضت فريدة لتسير ذهابا و إيابا قائلة بيكاء
للأسف هو دة الحل الوحيد!!!
نهضت ملاذ لتقول سريعا بنبرة هوجاء
بلاش دلوقتي يا فريدة!!!!!
ألتفتت لها فريدة لتنظر لها بشك ثم تقدمت منها قائلة بحدة
يعني ايه بلاش دلوقتي!!!! أشمعنا دلوقتي!! انت مخبية عليا حاجة يا ملاذ!!!!!
أدركت ملاذ الخطأ التي وقعت به لتسرع مبررة قولها
انا قصدي يعني ان هو اتغير وبقا كويس وكل دة عشانك.. وانت بتحبيه أساسا يعني صعب تبعدي عنه!!!
لم تقتنع فريدة بما تقوله فهي منذ أن أتى مازن وهي تشعر بشئ سئ يحمله على عاتقه فجلست فريدة على الفراش لتنظر إلى ملاذ برجاء حار
ملاذ انا قلبي مش مرتاح حاسة انه مش كويس عشان خاطري يا ملاذ لو انت تعرفي حاجة قوليلي و أنا مش هقول لحد والله!!!!
صدمت ملاذ مما قالته لتجلس جوارها وهي تنظر أمامها بثبات تحاول ألا تظهر لها توترها لتردف
مافيش حاجة من دي!!!!
أمسكت فريدة بكفيها بتوسل نابع من قلبها قائلة
ملاذ أرجوكي دة جوزي قوليلي أيه اللي حصله ترضي لو جوزك بعد الشړ في حاجة و انا عارفة ومش عايزة اقولك!!!
تألم قلبها لرؤية صديقتها بهذا الحال