فرصه ثانيه
المحتويات
عمر وهو احنا هنلحق نعمل حاجه ولا هنعرف نعمل حاجه وبعدين هو دا جواز حقيقي يعني
الكلمه دايقتني يعني هي بجد شايفه ان اصلا كل دا مش جواز حقيقي يعني هو فعلا بالنسبالها وسيله للهرب من تحكمات اخوها بس تمام يا ياسمين بكرا ان شاء الله نبقى نروح للمئذون
_تمام.
سيبتهم ونزلت اروح شغلي وانا عمال افكر وخاېف ان الخطوه اللي بخودها دي تكون غلط وان هي أو انا نندم عليها.
_لا يا عمتي انا مش عايزه ح...
اسكتي انتي بس لو انتي مش عايزه تفرحي فا انا عايزه افرح يإبني وبنتي
_حاضر يا عمتي فعلا نزلنا انا وعمتي وجبت فستان حلو اوي وكنت فرحانه بيه اكني اول مره اتجوز بس هي فعلا هتبقى اول مره لأن انا اللي هختار شريك حياتي وهختار فيها الفستان وهختار كل حاجه نفسي فيها الجوازه اللي قبل كدا متتحسبش اصلا لاني معملتش فيها أي حاجه بمزاجي.
حاضر اهو انا خلصت
_وانا كمان خلصت
خرجت بفستان ابيض منفوش بسيط وكانت حاطه مكياج وشكلها كان ملاك بس انا فرحان اني هتجوزها حتى لو مش بتحبني فا انا بحبها اوي وفرحان بيها اوي ومش عايز أفكر في حاجه تانيه النهارده غير انها هتبقى بتاعتي انا وبس
_مش يلا
اه اه يلا بينا قربت من ودنها وهمست بس شكلك قمر اوي
بارك الله لكما وبارك عليكما وجمع بينكما في خير
الجمله اللي كنت مستنيها النهارده بفارغ الصبر واه مكنتش موافق في الأول بس دلوقتي قلبي فرحان وبيرقص جريت عليها .
_اتكسفت لما لقيته مره واحده احم احم عمر ممكن تبعد..
يا ستي اسكتي شويه بقى
_حاضر بعديها بثواني سابني وكنت مبسوطه ومتوتره بس حاسه اني اخيرا اتجوزت حد انا اختارته حتى لو مش بنحب بعض بس على الاقل اعرفه وبيفهمني وبفهمه ودا غير انوا حب الطفوله فا دي بالنسبالي اكبر فرحه.
_هو ايه انت عايز ايه
يا بنتي مش عايز حاجه هنغير
_اه اه ادخل اوضتك وانا هدخل اوضتي
مش واخده بالك اننا متجوزين والمفروض نقعد في نفس الاوضه وتسيبي امي تنام لوحدها شويه بقى
يا بنتي مش دا اللي ق...
_انا هدخل اغير دخلت الاوضه وانا قلبي بيتنفض من الخۏف انا فهمت هو عايز ايه بس اكيد مش هينفع انا وهو ننام في أوضه واحده يعني
يا ياسمين لو خلصتي تعالي ناكل حاجه
_حاضر هلبس الطرحه واجي
يا بنتي بقى ابوس ايدك انا بقيت جوزك يعني ملهاش لازمه
_روح يا عمر وانا هبقي اجي
حاضر
_لبست الطرحه بردوا وطلعت ازاي يعني اقلع طرحتي قدامه اهبل دا ولا ايه.
بردوا عملتي اللي في دماغك
_لا الاكل حلو تسلم ايد عمتي
متابعة القراءة
