قصه مثيره
ببروده رهيبه في الجو وكام ثانيه فاتوا زي السنه والنور رجع تاني
لقيت الست اختفت وصوت بوسي رجع تاني
دخلت جوه عشان اشوف في ايه
لقيت بوسي في أوضتها بتلعب بعروسه لعبه
وبقولها انتي كنتي فين
انا هنا ياعمو مع ماما
ماما هي فين دي
سمعت صوت من ورايا بيقول
انت مين
كان نفس الراجل اللي في الصوره
وفين الست اللي كانت دلوقت
ست مين وانت مين اصلا ودخلت هنا ازاي
حكيت له الي حصل لغاية ما النور فصل والست اختفت
رد بأسى وقال
للاسف انا مراتي ماټت مع بنتي في حاډثه من ٣ سنين
ومن ساعتها وانا عايش لوحدي
اټصدمت وقولت
وبعدين بقى انتوا هتشقطوني لبعض ولا ايه
وقالي انت جاي تتريق عليا وعلى احزاني
انت اصلا شكلك حرامي
وبعدها النور طفى تاني
سمعت أصوات صړاخ والشبابيك فضلت
تتفتح وتتقفل لوحدها وأنوار الشقه ترعش
والتليفزيون بيشتغل ويطفي لوحده
وشوفت ڼار مسكت في ستاير الشقه
والدخان ملا المكان كله
الدنيا لفت بيا وانا بحاول أخرج والباب مقفول
صحيت الصبح على صوت المنبه
وانا وشي عرقان وبنهج
بصيت حوليا ولجمسي وايديا وحمدت ربنا أنه كان كابوس
لبست بسرعه ونزلت تحت
بصيت على باب الشقه في الرابع كان مقفول
وانا خارج لقيت عم صبري قاعد
قالي عملت ايه في موضوع البت عرفت هي بنت مين
نعم
هو ايه دا انا مكنتش بحلم بقى ولا ايه
لا ..بس قولي هو الدور الرابع مين ساكن فيه
شقة مدام صباح وابنها مهندس طارق
طب والتانيه
لا التانيه دي مقفوله من سنين
ليه
مش عارف بس من ساعة الحريقه اللي حصلت فيها
واصحابها اللي ماتوا وهي مقفوله
الكلام دا حصل امتى
مش عارف بس قبل ما اشتغل انا هنا بكام شهر
بس انت بتسال ليه
كفايه رغي بقى ياعم صبري عاوز الحق الشغل
عديت على مطعم ع اول الشارع
طلب سندوتشين فول منه اخدتهم
ولسه هحاسب لقيت حد بيمسك صباعي
ببص لقيت بوسي بتقولي
فين سندوتش الطعميه تاعي ياعمو عصام
اتنفضت وبرقت لها
صاحب المطعم سألني..خير يا باشا في حاجه
لا أصله بس ورجعت ابص على بوسي لقيتها اختفت
لا ابدا مفيش حاجه ..زودلي بس عليهم واحد طعميه لوسمحت
وانا بقول لنفسي
هخليه مش هاكله غالبا في ضيف هيزورني بيحب الطعميه
تمت
حماده_هيكل
