الرهان كامل

انا في حالي من ساعة ما جيت الكلية مش بأذي نملة معدية ليه ياربي كدا ليه!
لقيته قرب الكرسي من السرير بتاعي و قال بحزن و آساي..
_انا أسف أرجوكي سامحيني انا اللي صدقتها و عملت كل دا فيك انا السبب يا حورية.
باصتله و عينيا مليانه دموع
_لا يا نادر أنت ملكش ذنب هي المشكلة فيا انا و بس.
ياما أهلي حظروني حقد و غيرة البنات و حب النفس و الانانية اللي فيهم أمي دايما كانت تحب خلفة الولاد 
تقول خلفة الولد أنفع مېت مرة من خلفة البت.
لقيته باص ليا بتعجب
كله دا علشان سها الحقود! 
صدقيني أنا هخدلك حقك تالت و متلت قومي انت بس بالسلامة و انا وعقسم بالله لأجبهالك بتتأسفلك يا حورية.
شيلت المحلول اللي متعلق في ايديا وقومت من سرير بقول..
_مش عايزة حد يتأسفلي ولا هباب انا عايزة أخلص سنة اللي فضلالي هنا و أرجع مطرح ما كنت.
قام واقف قصادي و قال بنبرة حادة صعيدية..
أنت عايز حتة بت مصراوية تتمسخر علينا آياك  
احنا صعايدة يا حورية و الصعيدي ميسبش حقه أبدا 
لو انت عتسيبي كرامتك و حقك لأجل حتة بت منعرفوش من إي طينة أترمت علينا
فانا معنسيبش حقك وسط البنانيت و زمايلك أهني 
هه! قولتي اي يا حورية يدك في يدي ولا قولتي إي!
وقتها أبتسمت له كانت اول مرة أشوف نادر بيتكلم صعيدي زينا كل اللي أعرفه علي نادر أنه آه بيحب لهجتنا الصعيدي بس مكنتش أفتكر أن كلامه حلو و بيدوخ كدهون يعني..
_ اول مرة عشوفك بتتكلم صعيدي زينا!
لقيته قال بضحك_ انت خابرة زين انا أتكلمت كدا ليه يبت عمي.
ضحكت من قلبي وقتها حسيت إني مش لوحدي مغتربة و ان معايا سند ليا و بيحميني كمان
_ ايوة خابرة يا نادر زين المهم هبأت فين
بصي هتيجي معايا في الشقة و متخفيش شقتي مشتريها من قريب و مفيهاش حد.
هزيت راسي لي _طيب يلا بينا علشان عايزة أستريح شوية.
سندني علي أيديه و ابتسم _ يلا بينا.
__________________
مش عارفة ليه وافقت علي إني أروح الشقة معاه بس حسيت براحة محستهاش مع حد من ساعة ما اخويا عمر أتوفي وانا بقيت بدور علي ألامان و الحنان معدش موجود زي زمان.
_انت هتنامي هنا و انا هنام علي الارض علشان مفيش غير الاوضة دي متشطبة هي و مطبخ تمام!
_انا هتقل عليك كدا يا نادر.
يستي تقلي براحتك انا لو هعيش عمري كله تتقلي عليا زي ما بتقولي هفضل سعيد طيلت حياتي.
بصيت علي الارض بكسوف_ أحم..بتقول شعر!
لقيته قرب مني و مسك إيديا بقيت أقول شعر من ساعة ما طلعتي في طريقي بقيت ميال لأي حاجة بتحبيها يا حورية.
سحبت إيديا من إيده و قولت بتوتر_ انا عايزة أنام شوية.
ابتسم ليا_ طيب أدخلي أرتاحي شوية و انا دخلت الشنطة بتاعتك لو عوزتي اي حاجة انا موجود.
ابتسمت علي أبتسامته_ شكرا ليك.
_طيب أتفضلي يلا أرتاحي.
عدي أسبوع بنفكر انا و نادر أزاي ننتقم منهم او بمعني تاني إزاي يجيب حقي مكنتش بروح كلية بس جاي في يوم و نادر قال بزعيق..
_هتروحي الكلية يعني هتروحي يا حورية و دا أخر كلام ليا و براحتك.
قولت بدموع_بس يا نادر انا خاېفة.
مسح دموعي و مسك إيديا و قال بحنيةطول ما انا معاكي متخفيش كل شىء هيبقي بخير 
بس يلا قومي ألبسي علشان أوصلك لو سمحت يلا..
أبتسمت لي و قولت_ حاضر قايمة.
وصلنا الكلية و اول ما نادر شاف سها و شليتها جايين علينا مسك إيديا يطمني و كمل طريقنا و عند باب الكلية سلم عليا و قالي جملة شجعتني جدا اول ما سمعتها منه.
انا جمبك و متخفيش من اي مخلوق طول ماانا معاكي متقلقيش منهم دول شوية فرافير بيخافوا علي مونيكير و البديكير بتاعهم انما احنا صعايد نشيل سلاح و منخفش
خليكي أسد حورية و متخفيش منهم علشان خاطر نادر خليكي شجاعة و لو لمرة بعيد عنك ماشي يا حبيبتي.
قولت بتوترأحم حبيبتك! انت أكيد مش قاصد.
_لا قاصد لأمتي بقا هتفضلي هبلة و مش بتفهمي!
_لا انا عايزة أفضل هبلة علشان مش وقته الكلام دا.
هز راسه ليا_ اللي تشوفيه يا حورية المهم انا معاك.
يلا سلام.
_سلام.
مشي
و سابني علشان معاه محاضرات ما هو أخر سنة لي  
و لسا هلف بضهري علشان أدخل الكلية لقيت سها و شلتها أتلموا حوليا زي التعابين.
_ألا السنيورة كانت نايمة فين أمبارح هه!
أقولكم يا بنات الهانم بتنام فين و في حضڼ مين ليها أسبوع كمان.
قربت مني و بهمس_ هه! أقولهم يا حورية ولا تقوليهم انت
قولت و الدموع بتنزل_بتعملي كل دا ليه انا أذيتك في اي يا شيخة.
_علشان أثبت للناس ان مش حجاب و حلال و حرام اللي مش هيخلوك تعملي الغلط.
_يعني عايزة إي
قربت من وداني و قالت_ تقلعي الحجاب و تلبسي زينا و تبقي فرد من شلتنا و أوعدك عمر ما حد هيفتح بؤقه عليك بكلمه.
بصيت لي لبسهم اللي عبارة عن بناطيل مقطعة و شفافة بلوزات قصيرة شعر ظاهر فساتين قصيرة ملفته. 
اټصدمت من اللي قالته مكنتش عارفة أعمل اي غير أني أمسك حجابي و لسا هقلع الخمار لقيت...
البارت_التاني