عمي ميصحش
المحتويات
من الشغل و كنت لسة قاعدة فى بيت بابا و مراد جه عندنا العصر بعد ما خلص شغل فى القسم
يلا يا يارا قومى البسى عشان نروح .. معندناش حريم تبات برة البيت اكتر من كدة
بصتله باستخفاف و بعدين قلت و انا بربع ايدى
لأ .. مش عايزة
اتنهد و قعد جمبى ع الكنبة
ليه بس يا بنت الناس .. ما انا اعتذرتلك امبارح و لا انتى غاوية عند و خلاص
يووه .. تعالى يا حج شوف بنتك
قام من جمبى و دخل المطبخ و بابا جه
ايه يا حبيبة بابا مالك
مفيش يا بابا بس انا مش عايزة اروح معاه
ليه
كدة .. انا مش عايزة اقعد مع الشخص الهمجى ده فى بيت واحد .. خلينى قاعدة هنا
يبنتى ما انتى قعدتى امبارح و النهاردة معايا .. و بعدين مراد مش همجى و لا حاجة هو عمل كل ده عشان بيغير عليكى
لا لا نتكلم جد بقا .. مراد ميعملش كدة مراد متربى احسن تربية اه و انا واثق انه ميعملش كدة ابدا .. صحيح انا مبطيقهوش و بهزءه فى الرايحة و الجاية بس منكرش انه راجل محترم و جدع و هيصونك .. و إلا مكنتش جوزتك ليه من الاول يا يارا
قالها مراد و هو طالع من المطبخ و ماسك خيارة فى ايده
اسكت انت يا حيوان
حاضر
رجع تانى ع المطبخ و بابا بصلى و قال
يلا يا حبيبتى استهدى بالله و قومى روحى مع جوزك
فجأة سمعنا صوت غطا حلة وقع ع الأرض
سيب حلة المحشى اللى جوة يا حيوان
جه صوت مراد من المطبخ
يا حاج بنتك مجوعانى و كل اللى طالع عليها مبعرفش اطبخ مبعرفش اطبخ .. اومال الأكل ده كله ايه
بعد خمس دقايق ..
قلل سرعة العربية شوية احنا مش فى سباق
حاضر
و وطى صوت الاغانى
حاااضر
انت بتجز على سنانك ليه .. مش كفاية جاية معاك بالعافية و كمان مش مستحملنى
يستى انا عملت حاجة انتى غاوية جر شكل و خلاص .. خفى شوية ها .. خفى شوية انا منستش ندالتك امبارح بالليل
احسن تستاهل
بصلى بغيظ ف الاول و بعدين سكت شوية قبل ما يبتسم
life is hard لكن چمييييلة
يا شيخ اتنيل
مستمتع حتى و انا broke حياتى نكتة joke دام معايا هالأميييرة
قرصنى من خدى فبعدت ايده
بس بقا يا مراد
خلاص بقا يا يارا متبقيش قفوشة كدة الله
انت رايح فين ده مش طريق البيت
هو انا مقلتلكيش .. استأذنت النهاردة من الشغل بالعافية و الله بالعافية بس مش مهم
عشان اخدك افسحك شوية
اشمعنا
عادى يعنى بقالنا كتير مخرجناش مع بعض
ماشى
كنت مبسوطة من جوايا انا فعلا بقالى كتير متفسحتش بس طبعا مبينتش روحنا السينما و دخلنا فيلم كوميدى غيرلى مودى الۏحش
متابعة القراءة